Edwɛkpa ne kɛmɔ Luku hɛlɛle la 5:30 - BAEBOLO ANZƐƐ BULUKU NWUANZANWUANZA

³⁰ Falasiima bie nee mɛla kilehilevolɛma bie mɔ mɔɔ boka Falasiima fane ne anwo la bizale Gyisɛse ɛdoavolɛma ne kɛ, “Duzu ati a bɛ nee adwuledievolɛma nee menli mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Luku hɛlɛle la 5:30 ပူးပေါင်းရင်းမြစ်များ

Ayezaya Buluku ne 65:5

Bɛka bɛkile bɛ gɔnwo mɔ kɛ, ‘Bɛhwe bɛ nwo, bɛmmabikye yɛ, ɔluakɛ bɛdu yɛ bɛmaa; ɔnle kɛ bɛ nwo ka yɛ.’ Ɛhye mɔ le kɛ esike wɔ me bonyi nu; bɛle kɛ senle mɔɔ sɔ alehyenlɛ biala la.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 9:11

Falasiima bie mɔ nwunle ye na bɛzele Gyisɛse ɛdoavolɛma ne kɛ, “Duzu ati a bɛ menle nee adwuledievolɛma nee bɛdabɛ mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Maake hɛlɛle la 2:16

Mɛla kilehilevolɛma ne bie mɔ mɔɔ le Falasiima la nwunle kɛ ɔ nee menli zɛhae mɔ ɛlɛdi debie la, bɛbizale ye ɛdoavolɛma ne kɛ, “Duzu ati a ɔ nee menli zɛhae mɔ to bɛ sa ɛyɛba ko anu ɛ?”

Edwɛkpa ne kɛmɔ Maake hɛlɛle la 7:3

Falasiima nee Dwuuma mɔɔ ɛha la amuala di bɛ mɔmoane amra ngilehilelɛ ne azo la ati, bɛnli debie biala, kyesɛ bɛnrinzi bɛ sa anwo, kɛmɔ bɛ ngilehilelɛ ne se la.

Edwɛkpa ne kɛmɔ Maake hɛlɛle la 9:16

Gyisɛse bizale ɛdoavolɛma ne kɛ, “Duzu anwo kpolera a bɛ nee menli ne mɔ ɛlɛsu a?”

Edwɛkpa ne kɛmɔ Luku hɛlɛle la 18:11

“Falasiinli ne gyinlanle nzisi na ɔzɛlɛle kɛ, ‘Nyamenle, meyɛ wɔ mo kɛ membɔ apo, menli nzisi yɛɛ mendo awuvolɛvalɛ mɛla ne kɛ awie biala de la; meyɛ wɔ mo kɛ menle kɛ adwuledievolɛ ɛhye bɔbɔ mɔɔ wɔ lɔ la.

Edwɛkpa ne kɛmɔ Luku hɛlɛle la 19:7

Menli mɔɔ nwunle ye la amuala dendɛle bɛ nzo abo kɛ, “Akee ɛtanenli ɛhye sua nu a nrenya ye ɛhɔ kazokoɛ a!”

Edwɛkpa ne kɛmɔ Luku hɛlɛle la 5:17

Kenle ko bie mɔɔ ɛnee Gyisɛse ɛlɛkilehile la, Falasiima bie nee mɛla kilehilevolɛma mɔɔ vi azua mɔɔ wɔ Galeli nee Dwudiya maanzinli ne mɔ anu nee Gyɛlusalɛm la radɛnlanle ɛkɛ ne bie. Nyamenle tumi ne rale Gyisɛse anwo zo na ɔyɛle wuleravolɛma ayile.

Edwɛkpa ne kɛmɔ Luku hɛlɛle la 5:21

Mɛla kilehilevolɛma nee Falasiima ne mɔ bɔle ɔ bo kɛ bɛka bɛahile bɛ nwo ngoko kɛ, “Nwane a le ɛhye mɔɔ ɔka munzule edwɛkɛ zɛhae a? Awie biala ɛngola ɛnva ɛtane ɛngyɛ kyesɛ Nyamenle angomekye.”

Edwɛkpa ne kɛmɔ Luku hɛlɛle la 7:34

Medame Sonla Ra noko mera, medi na meno a eza bɛse, ‘Nea ɛhye! Adidikpoku, nzanli nee adwuledievolɛma nee bɛdabɛ mɔɔ awie ɛmbu bɛ bie la agɔnwo!’

Edwɛkpa ne kɛmɔ Luku hɛlɛle la 7:39

Mɔɔ Falasiinli ne mɔɔ yiale Gyisɛse la nwunle ɛhye la, ɔhanle ye ɔ ti akunlu kɛ, “Saa amgba nrenya ɛhye le Nyamenle kpɔmanvolɛ a, anrɛɛ ɔkɛnwu raalɛ holɛ ko mɔɔ ɛlɛfa ɔ sa aha ye la, na ɔkɛnwu ye ɛbɛla mgbane mgbane mɔɔ ɔbɔ la.”

Ɛzoanvolɛma Gyima ne 23:9

Bɛdeanle kpalɛ, na mɛla kilehilevolɛma bie mɔ mɔɔ boka Falasiima fane ne anwo la dwazole hanle kɛ, “Yɛnnwu ɛtane biala wɔ sonla ne anwo! Ɔkɛyɛ zɔhane kɛ Nyamenle soanvolɛ bie anzɛɛ sunsum bie ɛdendɛ ɛhile ye amgba.”