Edwɛkpa ne kɛmɔ Luku hɛlɛle la 5:29 - BAEBOLO ANZƐƐ BULUKU NWUANZANWUANZA

²⁹ Nzinlii Livae dole ɛkponle kpole bie wɔ ye sua nu ɛkɛ ne manle Gyisɛse, na adwuledievolɛma dɔɔnwo nee menli mɔɔ bɛdabɛ noko awie ɛmbu bɛ la hɔle ɛkponledolɛ ne abo.

Edwɛkpa ne kɛmɔ Luku hɛlɛle la 5:29 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:19

Medame, Sonla Ra noko mera, na melɛdi meanlo a, awie biala se, ‘Bɛnlea ɛhye! Adidikpoku, nzanli, adwuledievolɛma nee bɛdabɛ mɔɔ awie ɛmbu bɛ la agɔnwo!’ Noko Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 9:10

Mɔɔ Gyisɛse kpula ɔ sa wɔ Mateyu sua nu ɛkɛ ne la, adwuledievolɛma dɔɔnwo nee bɛdabɛ mɔɔ awie ɛmbu bɛ la rabokale Gyisɛse nee ye ɛdoavolɛma ne mɔ na bɛ muala bɛkpulale bɛ sa.

Edwɛkpa ne kɛmɔ Mateyu hɛlɛle la 9:9

Gyisɛse vi ɛkɛ ne na ɔkɔ la, ɔnwunle adwuledievolɛ bie mɔɔ bɛfɛlɛ ye Mateyu la kɛ ɔde adwulelielɛ sua ne anu. Gyisɛse zele ye kɛ, “Bɛla maa yɛhɔ.” Mateyu dwazole na ɔdoale ye.

Edwɛkpa ne kɛmɔ Maake hɛlɛle la 2:15

Nzinlii Livae dole Gyisɛse ɛkponle. Adwuledievolɛma nee menli mɔɔ bɛdabɛ noko awie ɛmbu bɛ bie la dɔɔnwo mɔɔ ɛnee doa Gyisɛse la anu bie mɔ nee ɛdoavolɛma ne wɔ ɛkponledolɛ ne abo bie.

Edwɛkpa ne kɛmɔ Luku hɛlɛle la 15:1

Kenle ko bie adwuledievolɛma dɔɔnwo nee menli mɔɔ awie ɛmbu bɛ la rale kɛ bɛbadie Gyisɛse anloa edwɛkɛ.

Dw 12:2

Bɛdole Gyisɛse ɛkponle wɔ ɛkɛ ne, na Maata boka bɛdabɛ mɔɔ bɛzonlenle la anwo, yɛɛ Lazalɛse noko nee Gyisɛse a de ɛkponle ne anwo a.

1 Kɔl 10:27

Saa bɛdabɛ mɔɔ bɛnlɛ diedi la bie to ɛsalɛ fɛlɛ bɛ wɔ ye ɛkponledolɛ bo na bɛkɔ a, bɛli debie biala mɔɔ bɛkɛva bɛkɛzie bɛ nyunlu la, na bɛmmadwenle nwolɛ bɛbizebiza nwolɛ edwɛkɛ.