Edwɛkpa ne kɛmɔ Luku hɛlɛle la 5:24 - BAEBOLO ANZƐƐ BULUKU NWUANZANWUANZA

²⁴ Memaa bɛanwu kɛ medame Sonla Ra, melɛ tumi wɔ azɛlɛ ye azo kɛ mefa ɛtane mekyɛ.” Yemɔti ɔzele nrenya ne mɔɔ ɛdwidwe la kɛ, “Mese, dwazo, fa wɔ ɛkpa ne, na kɔ sua nu!”

Edwɛkpa ne kɛmɔ Luku hɛlɛle la 5:24 ပူးပေါင်းရင်းမြစ်များ

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Edwɛkpa ne kɛmɔ Mateyu hɛlɛle la 16:13

Gyisɛse hɔle Felepe Sizalia afoa nu la, ɔbizale ye ɛdoavolɛma ne kɛ, “Menli se medame Sonla Ra ne a le nwane?”

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Mateyu hɛlɛle la 9:6

Akee memaa bɛanwu kɛ medame, Sonla Ra, melɛ tumi wɔ azɛlɛ ye azo kɛ mefa ɛtane mekyɛ.” Yemɔti ɔzele nrenya ne mɔɔ ɛdwidwe la kɛ, “Dwazo, nyenya wɔ ɛkpa ne, na kɔ sua nu!”

Edwɛkpa ne kɛmɔ Luku hɛlɛle la 5:13

Gyisɛse vale ɔ sa hanle ye na ɔzele ye kɛ, “Mekulo! Ɛ nwo ɛza!” Na ɛkɛ ne ala ɔ nwo zale.

Edwɛkpa ne kɛmɔ Luku hɛlɛle la 5:18

Menli bie vale nrenya bie mɔɔ ɛdwidwe la wɔ ɛkpa nu rale, na bɛbɔle mɔdenle kɛ bɛfa ye bɛawolo sua ne anu bɛahɔdo Gyisɛse anyunlu ɛkɛ ne.

Edwɛkpa ne kɛmɔ Luku hɛlɛle la 5:23

Boni a ye ɛhanlɛ yɛ se a, kɛ ɛka kɛ, ‘Bɛva wɔ ɛtane ne mɔ bɛhyɛ wɔ,’ anzɛɛ ‘Dwazo na tia?’

Edwɛkpa ne kɛmɔ Luku hɛlɛle la 7:14

Akee ɔhɔvale ɔ sa ɔhanle ɛlɛka ne na bɛdabɛ mɔɔ bɛzo funli ne la gyinlanle na bɛzokoɛle. Gyisɛse zele kɛ, “Kpavolɛ! Mese, dwazo!”

Edwɛkpa ne kɛmɔ Luku hɛlɛle la 8:54

Na Gyisɛse zɔle kakula ne asa na ɔzele kɛ, “Kakula raalɛ, dwazo!”

Dw 11:43

Ɔhanle ɛhye la, ɔdeanle nu kpole ɔzele kɛ, “Lazalɛse, dwazo bɛla!”

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 3:13

Awie biala noko ɛtɛkɔle anwuma lɔ kɛ Sonla Ra ne mɔɔ vi anwuma lɔ rale la ala.”

Dw 5:27

Eza yemaa Ralɛ ne tumi kɛ ɔbua ndɛne, ɔboalekɛ yemɔ a ɔle Sonla Ra ne a.

Ɛzoanvolɛma Gyima ne 14:10

na ɔdeanle nu ɔzele ye kɛ, “Dwazo gyinla!” Nrenya ne wulule gyinlanle na ɔbɔle ɔ bo kɛ ɔtia.

Ɛzoanvolɛma Gyima ne 5:31

Na yemɔ yɛɛ Nyamenle ɛmaa ye zo ɛzie ye ye fema zo ɛyɛ ye Adenlekilevolɛ nee Dievolɛ kɛ ɔhile Yizilayɛma adenle ɔmaa bɛnlu bɛ nwo na bɛanyia ɛtanefakyɛ a.

Ɛzoanvolɛma Gyima ne 9:34

Na Pita zele ye kɛ, “Yiniase, Gyisɛse Kelaese ɛyɛ wɔ ayile. Dwazo na nyenya wɔ ɛkpa ne.” Na ɛkɛ ne ala Yiniase dwazole.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

Yekile 1:13

Debie mɔɔ le kɛ sonla la gyi bɛ avinli, ɔwula tɛladeɛ tendenle mɔɔ dwu ye aze na yeva ezukoa nvutuke akyeso yehye ye avinli.