Edwɛkpa ne kɛmɔ Luku hɛlɛle la 5:22 - BAEBOLO ANZƐƐ BULUKU NWUANZANWUANZA

²² Gyisɛse nwunle bɛ adwenle na ɔzele bɛ kɛ, “Duzu ati a bɛdwenle ninyɛne ɛhye mɔ anwo ɛ?

Edwɛkpa ne kɛmɔ Luku hɛlɛle la 5:22 ပူးပေါင်းရင်းမြစ်များ

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

Edwɛndolɛ Buluku ne 139:2

Ɛze me azedɛnlanlɛ nee me ɛdwazolɛ nu; ɛze me adwenle muala.

Mrɛlɛbulɛ Buluku ne 15:26

Ɛdɛnkɛma kyi amumuyɛma adwenle ɛvalɛ, na ɔ nye die mɔɔ anwo te la edwɛkɛ ɛhanlɛ nwo.

Ayezaya Buluku ne 66:18

Ɔluakɛ meze bɛ gyima nee bɛ adwenle ne mɔ. Na melɛba mearaboɔboa maanle maanle nee aneɛ aneɛ ne mɔ anloa, na bɛbara bɛaranwu me anyunlunyia ne,

Yizikeɛle Buluku ne 38:10

Awulae Nyamenle ne se, “Mekɛ zɔhane anu, ɛbanyia adwenle dɔɔnwo na wɔabɔ adwenle ɛtane wɔaha kɛ,

Edwɛkpa ne kɛmɔ Mateyu hɛlɛle la 12:15

Mɔɔ Gyisɛse nwunle kɛ bɛhɔ ɔ ti akpamo la, ɔvi ɛkɛ ne ɔyele ɔ nwo; na menli dɔɔnwo doale ye. Ɔyɛle bɛdabɛ mɔɔ bɛnde kpɔkɛ la ayile

Edwɛkpa ne kɛmɔ Mateyu hɛlɛle la 12:25

Gyisɛse nwunle bɛ adwenle la, ɔzele bɛ kɛ, “Maanle biala mɔɔ anu kɛhyɛ nwiɔ na bɛko bɛtia bɛ nwo la ɛngyinla, yɛɛ sua anzɛɛ abusua biala mɔɔ anu kɛhyɛ nwiɔ na bɛko bɛtia bɛ nwo la ɛngyɛ na yeabɔ.

Edwɛkpa ne kɛmɔ Mateyu hɛlɛle la 9:4

Gyisɛse nwunle bɛ adwenle, yemɔti ɔzele bɛ kɛ, “Duzu ati a bɛ adwenle le ɛtane zɛhae a?

Edwɛkpa ne kɛmɔ Maake hɛlɛle la 8:17

Gyisɛse nwunle mɔɔ bɛlɛkeha la na ɔbizale bɛ kɛ, “Duzu ati a bɛlɛdwenle kpanwo mɔɔ bɛnlɛ ye la anwo ɛ? Yemɔti bɛnze anzɛɛ bɛnde ɔ bo ɔ? Bɛ adwenle ɛnzo nu ɔ?

Edwɛkpa ne kɛmɔ Luku hɛlɛle la 24:38

Na Gyisɛse zele bɛ kɛ, “Duzu ati a ɛzulolɛ ɛha bɛ a? Duzu ati a bɛ ti akunlu ɛyɛ bɛ kesee ɛ?

Edwɛkpa ne kɛmɔ Luku hɛlɛle la 5:21

Mɛla kilehilevolɛma nee Falasiima ne mɔ bɔle ɔ bo kɛ bɛka bɛahile bɛ nwo ngoko kɛ, “Nwane a le ɛhye mɔɔ ɔka munzule edwɛkɛ zɛhae a? Awie biala ɛngola ɛnva ɛtane ɛngyɛ kyesɛ Nyamenle angomekye.”

Edwɛkpa ne kɛmɔ Luku hɛlɛle la 5:23

Boni a ye ɛhanlɛ yɛ se a, kɛ ɛka kɛ, ‘Bɛva wɔ ɛtane ne mɔ bɛhyɛ wɔ,’ anzɛɛ ‘Dwazo na tia?’

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.