Edwɛkpa ne kɛmɔ Luku hɛlɛle la 5:21 - BAEBOLO ANZƐƐ BULUKU NWUANZANWUANZA

²¹ Mɛla kilehilevolɛma nee Falasiima ne mɔ bɔle ɔ bo kɛ bɛka bɛahile bɛ nwo ngoko kɛ, “Nwane a le ɛhye mɔɔ ɔka munzule edwɛkɛ zɛhae a? Awie biala ɛngola ɛnva ɛtane ɛngyɛ kyesɛ Nyamenle angomekye.”

Edwɛkpa ne kɛmɔ Luku hɛlɛle la 5:21 ပူးပေါင်းရင်းမြစ်များ

Edwɛndolɛ Buluku ne 103:3

Ɔfa wɔ ɛtane ne mɔ amuala ɔkyɛ wɔ, ɔyɛ wɔ ewule kɔsɔɔti ayile.

Edwɛndolɛ Buluku ne 130:4

Na wɔmɔ, ɛlɛ fakyɛ, amaa bɛazulo wɔ.

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Edwɛndolɛ Buluku ne 35:5

Maa bɛyɛ kɛ abonle wɔ anwoma gye nu, na Ɛdɛnkɛma soanvolɛ ne ɛlɛpia bɛ ahɔ la.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Daneɛle Buluku ne 9:9

O Awulae yɛ Nyamenle, yɛvo wɔ, yɛde ɛ nwo atua, noko wɔmɔ ala a ɛse anwunvɔne na ɛfa ɛtane ɛkyɛ a.

Sɛlɛ 24:16

Awie mɔɔ kɛbɔ Nyamenle sasa la, bɛbahu ye. Menli ne amuala bazi ye awolɛ ahu ye. Saa ɔle ɛyɛvolɛ o, ɔle Yizilayɛnli o, ɔwɔ kɛ bɛku ye kɛ yebɔ Nyamenle sasa a.

Maeka Buluku ne 7:19

Ɛbanwu yɛ anwunvɔne bieko, ɛbakpa yɛ ɛtane kɔsɔɔti wɔagua. Ɛbado yɛ ɛtane ne mɔ wɔagua nyevile kunlu lɔ.

Edwɛkpa ne kɛmɔ Mateyu hɛlɛle la 26:65

Ɛhye manle Sɛlɛvolɛ Kpanyinli ne vale ɛya na ɔsuosuanle ɔdaye mumua ne ye tɛladeɛ mɔɔ ɔwula la anu na ɔzele kɛ, “Yedindi Nyamenle anyunlu! Yɛngyia dasevolɛma bieko. Kɛkala bɛdabɛ bɛde ye munzule edwɛkɛ mɔɔ yeha la!

Edwɛkpa ne kɛmɔ Mateyu hɛlɛle la 9:3

Mɛla kilehilevolɛma bie mɔɔ wɔ ɛkɛ ne la hanle ye bɛ ti anu kɛ, “Nrenya ye ɛdindi Nyamenle anyunlu!”

Edwɛkpa ne kɛmɔ Luku hɛlɛle la 3:8

Bɛbɔ ɔ bo bɛyɛ debie mɔɔ kile kɛ bɛnlu bɛ nwo, na bɛmmakɔ zo bɛka kɛ, ‘Yɛle Ebileham amra.’ Meka meahile bɛ kɛ Nyamenle kola maa awolɛ ɛhye mɔ yɛ Ebileham abo zo amra!

Edwɛkpa ne kɛmɔ Luku hɛlɛle la 5:17

Kenle ko bie mɔɔ ɛnee Gyisɛse ɛlɛkilehile la, Falasiima bie nee mɛla kilehilevolɛma mɔɔ vi azua mɔɔ wɔ Galeli nee Dwudiya maanzinli ne mɔ anu nee Gyɛlusalɛm la radɛnlanle ɛkɛ ne bie. Nyamenle tumi ne rale Gyisɛse anwo zo na ɔyɛle wuleravolɛma ayile.

Edwɛkpa ne kɛmɔ Luku hɛlɛle la 5:22

Gyisɛse nwunle bɛ adwenle na ɔzele bɛ kɛ, “Duzu ati a bɛdwenle ninyɛne ɛhye mɔ anwo ɛ?

Edwɛkpa ne kɛmɔ Luku hɛlɛle la 7:49

Bɛdabɛ mɔɔ bɛdede ɛkponle ne anwo la bɔle ɔ bo kɛ bɛka ye bɛ ti anu kɛ, “Na nwane bɔbɔ a le ɛhye, mɔɔ ɔkola ɔfa ɛtane ɔkyɛ a?”

Dw 10:33

Dwuuma ne buale kɛ, “Yɛnzi wɔ awolɛ kɛ wɔyɛ gyima kpalɛ la ati ɔ, yɛsi wɔ awolɛ kɛ wɔha munzule edwɛkɛ! Ɛle sonla ala, noko ɛlɛyɛ ɛ nwo Nyamenle!”

Wulo 8:33

Nwane a kɛhola kɛdo Nyamenle menli ne mɔɔ yekpa nu yeye bɛ la ɛzonle a? Nyamenle ɔdaye yebua bɛ benle!