Edwɛkpa ne kɛmɔ Luku hɛlɛle la 5:12 - BAEBOLO ANZƐƐ BULUKU NWUANZANWUANZA

¹² Mekɛ bie ɛnee Gyisɛse wɔ sua bie azo, na nrenya ko mɔɔ ɛnee kokobɛ ɛgua ɔ nwo amuala la wɔ ɛkɛ ne. Mɔɔ ɔnwunle Gyisɛse la ɔdule ɔdɔle ɔ gyakɛ anu na ɔbodole ye kɛ, “Awulae, saa ɔyɛ wɔ ɛhulolɛ a, ɛkola ɛmaa me nwo sa.”

Edwɛkpa ne kɛmɔ Luku hɛlɛle la 5:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:14

Debie biala ɛnyɛ se ɛmmaa Ɛdɛnkɛma. Mekɛ ne dwu a mebazia meara, ɛvolɛ bieko kabezɛhae, na Sɛla bawo ralɛ nrenya.”

1 Arl 18:39

Menli ne amuala nwunle ɛhye la bɛbutubutule na bɛzele kɛ, “Ɛdɛnkɛma, yemɔ a ɔle Nyamenle a; Ɛdɛnkɛma, yemɔ a ɔle Nyamenle a.”

2 Arl 5:1

Nrenya bie, bɛfɛlɛ ye Neeman; ɔle safohyenle kpanyinli mɔɔ nea Selea ɛlɔnema ne anwo zo a. Selea belemgbunli ne bu ye kpalɛ eza ɔkulo ye edwɛkɛ, ɔboalekɛ ɔlua Neeman anwo zo Ɛdɛnkɛma ɛmaa Seleama ɛli Yizilayɛma anwo zo konim. Neeman le katakyie, noko ɔle kokobɛvolɛ.

2 Arl 5:27

Zɔhane ati Neeman kokobɛ ne badila wɔ nee ɛ bo zo amra dahuu.” Gɛheezae vindele la ɛnee kokobɛ ne ɛdila ye, ɔ nwo ɛyɛ nzelabenle.

2 Arl 7:3

Menli nna bie mɔɔ kokobɛ ɛdila bɛ la ɛnee de Samɛlea suakpole ne anuhɔlɛ kpole ne anzi. Na bɛhanle bɛhilele bɛ nwo ngoko kɛ, “Duzu ati a yɛtɛnla ɛke dedee yɛawu ɛ?

1 Edk 21:16

Devidi manle ɔ nye zo la, ɔnwunle Ɛdɛnkɛma soanvolɛ ne kɛ ɔgyi anwomanyunlu, na yehwe dadeɛ wɔ Gyɛlusalɛm anwo zo. Na Devidi nee ye mgbanyima ne mɔ kɔsɔɔti mɔɔ ɛnee wula ɛrele adɛladeɛ la butubutule bɛ nye aze.

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛndolɛ Buluku ne 91:15

Saa ɔfɛlɛ me a, mebalie ye zo; saa ɔkɔ ngyegyelɛ nu a, mebabikye ye, mebalie ye na meali ye eni.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:6

Ɛdɛnkɛma zele ye bieko kɛ, “Fa ɛ sa wula wɔ tɛladeɛ ne anu.” Mosisi vale ɔ sa wulale ye tɛladeɛ ne anu; na mɔɔ ɔyele ɔ sa la, ɛnee kokobɛ ɛdila ɔ sa ɛmaa yeyɛ fufule nwohyee kɛ ezukɔtweaba.

Sɛlɛ 13:16

Na saa hanlɛ ne mɔɔ kpolo nzule la anyunlu to na ɔyɛ fufule a, ɛnee ɔwɔ kɛ ahenle kɔ sɛlɛvolɛ ne ɛkɛ.

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Edwɛkpa ne kɛmɔ Mateyu hɛlɛle la 26:6

Gyisɛse wɔ Saemɔn mɔɔ anrɛɛ le kokobɛvolɛ la sua nu wɔ Bɛtani

Edwɛkpa ne kɛmɔ Mateyu hɛlɛle la 9:28

Nzinlii mɔɔ Gyisɛse hɔle sua nu la, bɛrale ɔ nwo ɛkɛ ne. Na Gyisɛse bizale bɛ kɛ, “Bɛdie bɛdi kɛ menwɔhola bɛ ayile yɛ ɔ?” Bɛzele ye kɛ, “Ɛhɛe, Yɛmenle!”

Edwɛkpa ne kɛmɔ Maake hɛlɛle la 5:23

na ɔbodole ye kɛ, “Me ra raalɛ ekyi ne ɛlɛdie ewule awu. Mebodo wɔ, bɛla bava ɛ sa to ɔ nwo zo maa ɔde kpɔkɛ na ɔnyia ngoane.”

Edwɛkpa ne kɛmɔ Luku hɛlɛle la 17:16

na ɔradule ɔdɔle Gyisɛse agyakɛ anu mutule nu na ɔyɛle ye mo somaa. Nrenya ɛhye le Samɛleanli.

Edwɛkpa ne kɛmɔ Luku hɛlɛle la 5:13

Gyisɛse vale ɔ sa hanle ye na ɔzele ye kɛ, “Mekulo! Ɛ nwo ɛza!” Na ɛkɛ ne ala ɔ nwo zale.

Mɛla 24:8

“Saa ewule kokobɛ gua bɛ bie a, ɔnlea boɛ na ɔyɛ debie biala mɔɔ Livaema, mɔɔ le sɛlɛvolɛma la kɛha kɛhile ye la. Mɔɔ meha mehile bɛ la, bɛnlea bɛli zolɛ.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Dwɔhyua Buluku ne 5:14

Nrenya ne buale kɛ, “Kyɛkyɛ, menle kpɔvolɛ. Mera kɛ mele Ɛdɛnkɛma ɛlɔnema ne Safohyenle Kpanyinli.” Dwɔhyua dule dɔle ɔ nyunlu zonlenle ye na ɔbizale ye kɛ, “Yɛmenle, mele wɔ akɛlɛ, duzu a ɛkpondɛ kɛ meyɛ a?”