Edwɛkpa ne kɛmɔ Luku hɛlɛle la 4:7 - BAEBOLO ANZƐƐ BULUKU NWUANZANWUANZA

⁷ Zɔhane ati saa ɛbɔ ɛ ti aze ɛmaa me, ɛsonle me a, ye kɔsɔɔti bayɛ wɔ ɛdeɛ.”

Edwɛkpa ne kɛmɔ Luku hɛlɛle la 4:7 ပူးပေါင်းရင်းမြစ်များ

Edwɛndolɛ Buluku ne 72:11

Maa arelemgbunli kɔsɔɔti ɛdu ɛgua ɔ nyunlu, na maanle maanle kɔsɔɔti ɛzonle ye.

Ayezaya Buluku ne 45:14

Ɛdɛnkɛma se, “Yigyibiti nee Sudan anwonyia ne amuala bapɛ ali bɛmɛ Yizilayɛma bɛ ɛkɛ, yɛɛ Sibama, menli kakanyinlima ne, barazonle bɛmɛ Yizilayɛma, bɛbagua bɛ anga bɛara, na bɛarahoto bɛ. Bɛbabodo bɛazɛlɛ bɛ bɛaha kɛ, ‘Nyamenle nee bɛmɛ Yizilayɛma angome a lua a, nyamenle bieko ɛnle ɛkɛ kɛ ɔ ngome ala.

Ayezaya Buluku ne 46:6

Menli ye ezukoa nvutuke wɔ bɛ ahodoku nu; bɛsuzu bɛ dwɛtɛ fufule ne mɔ; bɛbɔ ezukoa dwinvolɛ ɛkpa; ɔfa bɛ ezukoa ne ɔyɛ nyamenle, na bɛtu bɛgua ɔ nyunlu bɛsonle ye!

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Edwɛkpa ne kɛmɔ Luku hɛlɛle la 17:16

na ɔradule ɔdɔle Gyisɛse agyakɛ anu mutule nu na ɔyɛle ye mo somaa. Nrenya ɛhye le Samɛleanli.

Edwɛkpa ne kɛmɔ Luku hɛlɛle la 4:6

na ɔzele ye kɛ, “Mebava tumi ɛhye nee anwonyia ɛhye mɔ amuala meamaa wɔ. Bɛva bɛ muala bɛwula me sa nu, na mekola mefa memaa awie biala mɔɔ mekulo la.

Edwɛkpa ne kɛmɔ Luku hɛlɛle la 4:8

Gyisɛse buale ye kɛ, “Nyamenle Edwɛkɛ ne se, ‘Yeyɛ Awulae wɔ Nyamenle ne na sonle ɔdaye ɔ ngomekye.’ ”

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

Yekile 22:8

Medame Dwɔn a mendele na menwunle ninyɛne ɛhye mɔ amuala a. Na mendiele na menwunle ninyɛne ɛhye mɔ menwiele la, mendule mendɔle Nyamenle soanvolɛ ne mɔɔ ɛhilehile me ninyɛne ɛhye mɔ la agyakɛ anu kɛ mesonle ye.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.