Edwɛkpa ne kɛmɔ Luku hɛlɛle la 4:6 - BAEBOLO ANZƐƐ BULUKU NWUANZANWUANZA

⁶ na ɔzele ye kɛ, “Mebava tumi ɛhye nee anwonyia ɛhye mɔ amuala meamaa wɔ. Bɛva bɛ muala bɛwula me sa nu, na mekola mefa memaa awie biala mɔɔ mekulo la.

Edwɛkpa ne kɛmɔ Luku hɛlɛle la 4:6 ပူးပေါင်းရင်းမြစ်များ

Ɛseta Buluku ne 5:11

Bɛrale la, Heeman sosɔle zolɛ hanle ɔ nwo mɔɔ yenyia ye kpole, ɔ mra dodo mɔɔ yewo bɛ, yɛɛ ɔ nyunlu mɔɔ belemgbunli ne ɛmaa yenyia wɔ gyima nu yeva yewula ɔdaye Heeman anyunlunyia la amuala ɔhilele bɛ. Eza ɔhanle kɛ belemgbunli ɛzi ɛmaa ye dibilɛ yedɛla amɛnladoma nee sonvolɛma amuala mɔɔ wɔ suakunlu ɛkɛ ne la ɔhilele bɛ.

Ayezaya Buluku ne 23:9

Tumivolɛ Ɛdɛnkɛma a ɛhyehyɛ a, kɛ ɔfa yeazɛkye adubɛnwoma anyunlunyia, na yeagua bɛdabɛ mɔɔ ewiade amra di bɛ eni la anyunlu aze.

Ayezaya Buluku ne 5:14

Zɔhane ati ɛbolɔ ɛbuke ɔ nloa wanaanwo ɛlɛme Gyɛlusalɛm menli titile nee menli ne nee bɛ ɛdeɛdeanlɛ ne amuala.

Edwɛkpa ne kɛmɔ Luku hɛlɛle la 4:7

Zɔhane ati saa ɛbɔ ɛ ti aze ɛmaa me, ɛsonle me a, ye kɔsɔɔti bayɛ wɔ ɛdeɛ.”

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

2 Kɔl 11:14

Na ɔnyɛ nwanwane. Seetan bɔbɔ kola kakyi ɔ nwo yɛ kɛ ɔle wienyi nu soanvolɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

1 Pit 1:24

Nyamenle Edwɛkɛ ne se, “Menli kɔsɔɔti le kɛ ndile, bɛ anyunlunyia le kɛ ndotolo. Ndile ne nwoso na ndotolo ne kpolo,

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 13:7

Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.