Edwɛkpa ne kɛmɔ Luku hɛlɛle la 4:25 - BAEBOLO ANZƐƐ BULUKU NWUANZANWUANZA

²⁵ “Bɛdie mɔɔ meka la. Ɔle nɔhalɛ kɛ Yilaegya mekɛ zo, ezule andɔ toonwo ɛvolɛ nsa siane nsia, na sane kpole zile maanle ne kpokpoti anu.

Edwɛkpa ne kɛmɔ Luku hɛlɛle la 4:25 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

Ayezaya Buluku ne 55:8

Ɔluakɛ Ɛdɛnkɛma se, “Tɛ me adwenle a le bɛ adwenle, yɛɛ tɛ me ndenle a le bɛ ndenle.

Edwɛkpa ne kɛmɔ Mateyu hɛlɛle la 20:15

Ɛkpondɛ wɔaze kɛ menlɛ adenle kɛ mefa me ezukoa meyɛ mɔɔ medame mekulo la ɔ? Anzɛɛ ɔyɛ wɔ anyebolo kɛ me ti akunlu le kpalɛ la ɔ?’ ”

Edwɛkpa ne kɛmɔ Luku hɛlɛle la 10:21

Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Wulo 9:15

Ɔluakɛ ɔhanle ɔhilele Mosisi kɛ, “Mɔɔ mekulo kɛ mese ye anwunvɔne la yɛɛ mebaze ye anwunvɔne a, yɛɛ mɔɔ mekulo kɛ medi ɔ nwo nyane la, mebali ɔ nwo nyane.”

Wulo 9:20

Na ayi, ɛdawɔ bɔbɔ a le nwane na wɔayeye Nyamenle anloa azo? Buakɛ ɛngola ɛmbiza mɔɔ nwonle ye la kɛ, “Duzu ati a ɛnwonle me zɛhae ɛ?”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Gyemise Kɛlata ne 5:17

Yilaegya le sonla kɛ yɛdayɛ ala la; noko ɔzɛlɛle kɛ ezule mmatɔ la, ezule andɔ azɛlɛ ye azo dedee ɛvolɛ nsa siane nsia.

Yekile 11:6

Bɛlɛ tumi bɛto anwuma nu mɔɔ ezule ɛndɔ mekɛ tendenle biala mɔɔ bɛlɛka Nyamenle nrɛlaleɛ ne la. Eza bɛlɛ azɛlɛ ye azo nzule biala anwo zo tumi, bɛkola bɛkakyi ye bɛmaa ɔyɛ mogya; yɛɛ bɛlɛ tumi bɛfa ewule ngakyile biala bɛbato azɛlɛ ye azo wɔ mekɛ biala mɔɔ bɛkulo la.