Edwɛkpa ne kɛmɔ Luku hɛlɛle la 4:2 - BAEBOLO ANZƐƐ BULUKU NWUANZANWUANZA

² na abɔnsam zɔle ye nleanle kenle abulanla. Yeanli debie biala wɔ mekɛ zɔhane anu, yemɔti mɔɔ ɔwiele la ɛhɔne hunle ye.

Edwɛkpa ne kɛmɔ Luku hɛlɛle la 4:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

1 Arl 19:8

Yemɔti Yilaegya dwazole, ɔlile debie na ɔnlonle nzule; aleɛ zɔhane manle ye anwosesebɛ manle ɔdiale nɔɔzo nee ewiazo kenle abulanla ɔhɔdwule Nyamenle Boka ne mɔɔ bɛfɛlɛ ye Saenae la azo,

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:18

Mosisi wolole amungu ne anu na ɔhɔle boka ne azo. Mosisi lile kenle abulanla, ewiazo nee nɔɔzo wɔ boka ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:28

Mosisi nee Ɛdɛnkɛma dɛnlanle ewiazo nee nɔɔzo toonwo kenle abulanla. Yeanli debie yɛɛ yeanno nzule. Ɔhɛlɛle ngyekyeleɛ edwɛkɛ ne, Mɛla Bulu ne wɔ awolɛ ndɛbandɛba nwiɔ ne azo.

Dwona Buluku ne 3:7

Akee ɔmanle bɛbɔle nolo wɔ suakpole ne azo kɛ, “Kɛ Nenɛvɛ belemgbunli nee ye mgbanyima se la ɛne: awie biala mɔɔ wɔ suakpole ye azo la mmadi debie yɛɛ ɔmmano nzule. Akee bɛmmamaa nlankɛ yɛɛ mboane anzɛɛ nyɛmoa biala fa bɛ nloa ka debie biala.

Edwɛkpa ne kɛmɔ Mateyu hɛlɛle la 21:18

Aleɛ hyenle nwonlomɔ mangyee ne na Gyisɛse sia ahɔ Gyɛlusalɛm, na ɔlua adenle zo la ɛhɔne hunle ye.

Edwɛkpa ne kɛmɔ Mateyu hɛlɛle la 4:2

Gyisɛse hyele ɛhɔne alehyenlɛ nee aledwolɛ kenle abulanla na ɛhɔne hunle ye.

Edwɛkpa ne kɛmɔ Luku hɛlɛle la 4:3

Abɔnsam zele ye kɛ, “Saa wɔmɔ a ɛle Nyamenle Ara ne a, ɛnee maa bolɛ ɛhye ɛhakyi kpanwo.”

Dw 4:6

Gyekɔbo bula ne wɔ ɛkɛ ne ala, na kɛmɔ ɛnee Gyisɛse ɛvɛ la ati, ɔdɛnlanle bula ne azo. Mekɛ ne kɛyɛ sɛnzɛngyinla.

Mɛla 9:18

Akee mendule mendɔle Ɛdɛnkɛma anyunlu mutule nu, kɛmɔ meyɛ ye dɛba ne ala la kenle kɔkɔlɛ abulanla. Meanli debie yɛɛ meanno nzule, ɔboalekɛ ɛnee bɛyɛ ɛtane kpole kpalɛ kɛ bɛyɛ debie mɔɔ Ɛdɛnkɛma kyi la bɛhile ye na bɛha ye ɛya a.

Mɛla 9:25

“Yemɔti kenle abulanla ne amuala menlale mutule nu wɔ Ɛdɛnkɛma anyunlu ɛkɛ ne nɔɔzo nee ewiazo, ɔboalekɛ ɛnee Ɛdɛnkɛma ɛyɛ kɛ ɔbɔ bɛ bo zo.

Mɛla 9:9

Mekɛ mɔɔ mengɔle boka ne azo kɛ mekalie awolɛ ndɛbandɛba ne mɔɔ Ɛdɛnkɛma Ngyekyeleɛ ne mɔɔ ɔ nee bɛ yɛle la wɔ zo la, menlile kenle kɔkɔlɛ abulanla wɔ ɛkɛ ne; meanli aleɛ yɛɛ meanno nzule.

Kɛlata mɔɔ bɛhɛlɛle bɛhɔmanle Hibuluma la 2:18

Kɛkala ɔkola ɔboa bɛdabɛ mɔɔ bɛwɔ sɔnea nu la, ɔboalekɛ bɛzɔ ɔdaye bɛnlea ɛlɛ, yɛɛ yenwu amaneɛ ɛlɛ.

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.

1 Sam 17:16

Golayate ragyinlanle ɛleka ko ne ala nwonlomɔ nee nɔsolɛ biala toonwo kenle abulanla zele Yizilayɛma kɛ bɛye sonla bɛmaa ɔ nee ye ɛho.