Edwɛkpa ne kɛmɔ Luku hɛlɛle la 4:18 - BAEBOLO ANZƐƐ BULUKU NWUANZANWUANZA

¹⁸ “Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Edwɛkpa ne kɛmɔ Luku hɛlɛle la 4:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

2 Edk 34:27

ɛnlunle ɛ nwo na ɛbɛlɛle ɛ nwo aze wɔ me nyunlu, na suakpole ye nee menli ne mɔ mɔɔ mebadea bɛ la ati ɛlile nyane, ɛsuosuanle wɔ adɛladeɛ ne mɔ anu na ɛzunle la ati, medame noko medie wɔ ɛzunlɛ ne.”

Edwɛndolɛ Buluku ne 102:20

kɛ ɔtie pilizama ɛkponlenlɛ, na yeatulu bɛdabɛ mɔɔ bɛ nee bɛ ɛlɛkɔ ahunleɛ la;

Edwɛndolɛ Buluku ne 147:3

Ɔkyekye mɔɔ arɛle ɛbɔ la arɛle, na ɔyɛ mɔɔ ɛboda la ayile.

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Edwɛndolɛ Buluku ne 34:18

Ɛdɛnkɛma bikye mɔɔ nyane ɛha ye la, na ɔdie mɔɔ ye anyelazo ɛwie la.

Edwɛndolɛ Buluku ne 45:7

ɛkulo pɛlepɛlelilɛ, ɛkyi amumuyɛ. Yemɔti Nyamenle, wɔ Nyamenle ne, ɛva anyelielɛ nwole ɛkpokpa wɔ ɛgyakyi ɛ gɔnwo mɔ.

Edwɛndolɛ Buluku ne 51:17

Ahonle bɛlɛvo a le azubɔlɛ mɔɔ sɔ Nyamenle anye a, O Nyamenle, ɛmkpo ahonle mɔɔ le bɛlɛvo na yenlu ɔ nwo la.

Ayezaya Buluku ne 32:3

Akee menli mɔɔ anye nwu debie la anye zo bade kpalɛ, yɛɛ bɛdabɛ mɔɔ bɛ nzo te edwɛkɛ la badie.

Ayezaya Buluku ne 35:5

Anyenzinlirama anye badukue, anzondilirama anzo badukue.

Ayezaya Buluku ne 42:7

Ɛbadukuedukue mɔɔ anye ɛzi la anye, na wɔaye bɛdabɛ mɔɔ bɛhye bɛ nuokɛ bɛgua efiade anu awozinli nu la.

Ayezaya Buluku ne 45:13

Memaa mɔɔ Saelɛse ɛyɛ la ɛyɛ tenlene, yɛɛ mebamaa ye ndenle ne mɔ ayɛ fɔɔnwo; ɔbakyekye me suakpole ne, na yeamaa bɛagyakyi me menli ne mɔɔ bɛhye bɛ bɛhɔ nlɔnu la, ɔnrɛlie bɛ ti ɛkpɔnedeɛ anzɛɛ ahyɛlɛdeɛ, medame Tumivolɛ Ɛdɛnkɛma a mese a.”

Ayezaya Buluku ne 49:9

mebaha meahile pilizama kɛ, ‘Bɛraze bɛhɔ’ mebaze menli mɔɔ de awozinli nu la kɛ, ‘Bɛrɛla wienyi nu.’ Bɛbadidi adehane ne mɔ, yɛɛ awoka ne mɔ azo bayɛ bɛ adidileka.

Ayezaya Buluku ne 50:4

Awulae Nyamenle ɛmaa me ɛnloanlɛ, amaa meahilehile, na meanwu edwɛkɛ kpalɛ mɔɔ meka a ɔkɛmaa mɔɔ anwo ɛbɛlɛ ye la anwosesebɛ a. Nwonlomɔ biala ɔtunwue me, ɔbuke me nzo, amaa meade mɔɔ ɔkilehile me la.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 59:21

Na mame, me ngyekyeleɛ mɔɔ me nee bɛ bayɛ la ɛne: Me Sunsum ne mɔɔ wɔ bɛ nwo zo, nee me edwɛkɛ ne mɔɔ meva medua bɛ nloa la ɛnrɛvi bɛ nee bɛ bo zo amra anloa, ɔvi ɛnɛ mɔɔ kɔ nee melɛ mɔɔ ɛnlɛ awieleɛ. Medame Ɛdɛnkɛma a mese a.”

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Zɛfanaya Buluku ne 3:12

Ɔluakɛ mebagyakyi menli mɔɔ bɛlɛ bɛ nwo aze na bɛ nwo dwo la. Bɛbakpondɛ ɛvealeka wɔ Ɛdɛnkɛma duma ne anu.

Zɛkalaya Buluku ne 11:11

Yemɔti mentulule ngyekyeleɛ ne kenle ko ne, na nwule ne mɔ mɔɔ di mboane gua, mɔɔ ɛnee ɛlɛnea me la nwunle kɛ ɔle Ɛdɛnkɛma anloa edwɛkɛ.

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Mateyu hɛlɛle la 11:5

anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Edwɛkpa ne kɛmɔ Mateyu hɛlɛle la 12:18

“Bɛnlea, me sonvolɛ ne mɔɔ mekpa nu meye ye la ɛne, yemɔ a ɔle sonla mɔɔ mekulo ye na me nye die ɔ nwo a. Mebava me Sunsum meawula ye, na yeabɔ me ndɛnebualɛ ne nolo yeahile maanle maanle muala.

Edwɛkpa ne kɛmɔ Mateyu hɛlɛle la 12:20

Ɔnrɛbu baka mɔɔ bɛkposo ye la, yɛɛ ɔnrɛgua nzule senle mɔɔ asɛɛ ɛnlu la anu, kɔkpula kɛ ɔkɛmaa pɛlepɛlelilɛ kɛli konim,

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Luku hɛlɛle la 4:17

Bɛvale Nyamenle kpɔmanvolɛ Ayezaya nwoma ne bɛmanle ye. Ɔbukele ɛleka mɔɔ bɛhɛlɛ ye kɛ,

Edwɛkpa ne kɛmɔ Luku hɛlɛle la 6:20

Gyisɛse manle ɔ nye zo nleanle ye ɛdoavolɛma ne na ɔzele kɛ, “Nyilalɛ ɛha bɛdabɛ ehyianvolɛma; Nyamenle bamaa bɛanyia ye belemgbunlililɛ ne.

Edwɛkpa ne kɛmɔ Luku hɛlɛle la 7:22

Na ɔbuale Dwɔn ɛdoavolɛma ne kɛ, “Bɛzia bɛhɔ na bɛhɔha mɔɔ bɛnwu ye nee mɔɔ bɛde la amuala bɛhile Dwɔn: anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo menli mɔɔ ɛwu la bɛba ngoane nu, na bɛbɔ Edwɛkpa ne nolo bɛkile ehyianvolɛma.

Dw 1:41

Na ndɛndɛ ne ala Andelu hɔkpondɛle ɔ diema Saemɔn na ɔzele ye kɛ, “Yɛnwu Mɛzaya ne.” (Mɛzaya abo a le Kelaese.)

Dw 12:46

Mera kɛ mame a mele ewiade wienyi ne a, amaa mɔɔ kɛlie me kɛli la anga awozinli nu.

Dw 3:34

Mɔɔ Nyamenle ɛzoa ye la ka Nyamenle anloa edwɛkɛ, ɔboalekɛ Nyamenle maa ye Sunsum ne yi ye tɛkɛɛ.

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 4:26

Azɛlɛ ye azo arelemgbunli ɛboɔboa bɛ nloa, maanle mgbanyinli ɛva adwenle ko na bɛtia Nyamenle nee ye Mɛzaya ne.’

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.

Kɔlɔ 1:13

Nyamenle ɛlie yɛ ɛvi awozinli nu tumi ne mɔ abo, yeva yɛ yera ɔ Ra kulovolɛ ne belemgbunlililɛ ne abo,

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.