Edwɛkpa ne kɛmɔ Luku hɛlɛle la 4:17 - BAEBOLO ANZƐƐ BULUKU NWUANZANWUANZA

¹⁷ Bɛvale Nyamenle kpɔmanvolɛ Ayezaya nwoma ne bɛmanle ye. Ɔbukele ɛleka mɔɔ bɛhɛlɛ ye kɛ,

Edwɛkpa ne kɛmɔ Luku hɛlɛle la 4:17 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 16:29

“Ebileham zele ye kɛ, ‘Bɛlɛ menli wɔ bɛ nwo lɔ ɛlɛkakyehakye bɛ Mosisi mɛla ne nee Nyamenle kpɔmanvolɛma ngilehilelɛ ne mɔ, na ɔwɔ kɛ ɛ mediema ne mɔ tie bɛ.’

Edwɛkpa ne kɛmɔ Luku hɛlɛle la 20:42

Ɔluakɛ Devidi mumua ne ka ye wɔ Edwɛndolɛ Buluku ne anu kɛ, ‘Awulae zele me Awulae kɛ, tɛnla me fema zo ɛke,

Edwɛkpa ne kɛmɔ Luku hɛlɛle la 4:16

Gyisɛse akee hɔle Nazalɛte, ɛleka mɔɔ bɛtetele ye la, ɔhɔle nyianu sua ne anu Ɛnwomenlelielɛ Kenle ne, kɛmɔ ɔyɛ ye dahuu la, na ɔdwazole kɛ ɔkenga Nyamenle Edwɛkɛ ne.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Edwɛkpa ne kɛmɔ Luku hɛlɛle la 4:20

Gyisɛse wiele la, ɔbubule nwoma ne na ɔvale ɔmanle sonvolɛ ne na akee ɔdɛnlanle aze. Bɛdabɛ mɔɔ bɛwɔ nyianu sua ne anu la amuala hakyile bɛ nye wɔ ɔ nwo,

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 13:27

Menli mɔɔ wɔ Gyɛlusalɛm nee bɛ mgbanyima ne mɔ annwu kɛ yemɔ a ɔle Ngoanedievolɛ ne a, yɛɛ bɛande Nyamenle kpɔmanvolɛma edwɛkɛ ne mɔɔ bɛkenga ye dahuu wɔ Ɛnwomenlelielɛ Kenle ne la abo. Noko bɛbule Gyisɛse ewule fɔlɛ bɛmanle Nyamenle kpɔmanvolɛma edwɛkɛ ne mɔɔ hanle la yɛle nɔhalɛ.

Ɛzoanvolɛma Gyima ne 7:42

Yemɔti Nyamenle hwenle ɔ nwo vile bɛ nwo na ɔyele bɛ ɔmanle kɛ bɛzonle anwomanyunlu ninyɛne, kɛmɔ bɛhɛlɛ ye wɔ Nyamenle kpɔmanvolɛma mbuluku ne mɔ anu la. Ɔse, ‘Yizilayɛma, ɛvolɛ abulanla ne mɔɔ bɛlile wɔ ɛsɛlɛ ne azo la, bɛhunle nane bɛbɔle azu bɛmanle me ɔ?