Edwɛkpa ne kɛmɔ Luku hɛlɛle la 4:16 - BAEBOLO ANZƐƐ BULUKU NWUANZANWUANZA

¹⁶ Gyisɛse akee hɔle Nazalɛte, ɛleka mɔɔ bɛtetele ye la, ɔhɔle nyianu sua ne anu Ɛnwomenlelielɛ Kenle ne, kɛmɔ ɔyɛ ye dahuu la, na ɔdwazole kɛ ɔkenga Nyamenle Edwɛkɛ ne.

Edwɛkpa ne kɛmɔ Luku hɛlɛle la 4:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 2:23

na ɔhɔdɛnlanle sua ne mɔɔ bɛfɛlɛ ye Nazalɛte la azo. Ɛhye manle mɔɔ Nyamenle luale ye kpɔmanvolɛma ne mɔ anwo zo hanle la yɛle nɔhalɛ kɛ, “Bɛbavɛlɛ ye Nazalɛtenli.”

Edwɛkpa ne kɛmɔ Luku hɛlɛle la 2:39

Mɔɔ bɛwiele debie biala yɛ, kɛmɔ Awulae Mɛla ne se la, Mɛle nee Dwosefi ziale rale bɛ sua zo Nazalɛte mɔɔ wɔ Galeli maanzinli nu la.

Edwɛkpa ne kɛmɔ Luku hɛlɛle la 2:42

Mɔɔ Gyisɛse lile ɛvolɛ bulu nee nwiɔ la, bɛhɔle Gyɛlusalɛm kɛ bɛkali ɛvoyia ne.

Edwɛkpa ne kɛmɔ Luku hɛlɛle la 2:51

Yemɔti Gyisɛse nee bɛ ziale rale Nazalɛte, na ɔyɛle tieyɛ ɔmanle bɛ. Ɔ nli vale edwɛkɛ ɛhye mɔ amuala ziele ɔ ti akunlu.

Edwɛkpa ne kɛmɔ Luku hɛlɛle la 4:15

Ɔhilehilele wɔ bɛ nyianu azua ne mɔ anu na awie biala yele ye ayɛlɛ.

Edwɛkpa ne kɛmɔ Luku hɛlɛle la 4:17

Bɛvale Nyamenle kpɔmanvolɛ Ayezaya nwoma ne bɛmanle ye. Ɔbukele ɛleka mɔɔ bɛhɛlɛ ye kɛ,

Edwɛkpa ne kɛmɔ Luku hɛlɛle la 4:21

na ɔzele bɛ kɛ, “Ɛnɛ kenle ye Nyamenle Edwɛkɛ ɛhye ɛra nuhua, kɛmɔ bɛdabɛ bɛde ala la.”

Edwɛkpa ne kɛmɔ Luku hɛlɛle la 4:23

Na ɔzele bɛ kɛ, “Meze kɛ bɛbaha bɛahile me kɛ, ‘Ninsinli, ɛdawɔ yɛ ɛ nwo ayile!’ Eza bɛbaha bɛahile me kɛ, ‘Ninyɛne mɔɔ ɛyɛle wɔ Kapɛnayɛm la, yɛde bɛ nganeɛ wɔ ɛke, yemɔti yɛ bie maa yɛnlea.’ ”

Dw 18:20

Gyisɛse buale ye kɛ, “Dahuu metendɛ baguase, meyɛ me ngilehilelɛ ne wɔ nyianu azua ne mɔ anu nee Ɛzonlenlɛ Sua ne anu, ɛleka mɔɔ Dwuuma yia nu mekɛ biala la. Metɛkanle edwɛkɛ biala wɔ fealera nu.

Ɛzoanvolɛma Gyima ne 17:2

Kɛmɔ Pɔɔlo yɛ ye ala la, ɔhɔle nyianu sua ne anu na ɔ nee bɛ lile Nyamenle Edwɛkɛ ne anwo adwelie Ɛnwomenlelielɛ Kenle fane nsa.