Edwɛkpa ne kɛmɔ Luku hɛlɛle la 3:5 - BAEBOLO ANZƐƐ BULUKU NWUANZANWUANZA

⁵ Bɛdua bɔnza biala, bɛha awoka mgbole nee ngyikyi kpokpoti aze. Bɛdenrɛdenrɛ ndenle ahyeɛhyealera ne mɔ, na bɛduodua ahuma ne mɔ.

Edwɛkpa ne kɛmɔ Luku hɛlɛle la 3:5 ပူးပေါင်းရင်းမြစ်များ

Ayezaya Buluku ne 40:4

Bɛdua bɔnza biala na bɛze awoka mgbole nee ngyikyi ne mɔ; bɛduodua azɛlɛ nwo ahuma ne mɔ, na bɛyɛ ɛleka ahuhunduu ne mɔ sɛlɛsɛlɛ.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 45:2

“Mebalumua ɛ nyunlu, meahɔha awoka ne mɔ aze meamaa wɔ. Mebabubu bɛ kɔbele nlenkɛ mgbole ne mɔ, na meapepɛ bɛ nlenkɛ mgbole nzi mbulalɛ ne mɔ anu.

Ayezaya Buluku ne 49:11

“Mebakpakye adenle meado awoka ne mɔ anu, na meadu ademgbole meamaa bɛ.

Yizikeɛle Buluku ne 17:24

Mbaka mɔɔ wɔ azɛlɛ ne azo la amuala banwu kɛ medame a mele Ɛdɛnkɛma a. Meka mbaka ndendenle aze, na memaa mbaka nzinrenzinra nyi ndendenle. Memaa mbaka amolɛ kyengye, na memaa mbaka wulera yɛ amolɛ. Medame Ɛdɛnkɛma a mese a; mebayɛ mɔɔ meha kɛ meyɛ la.”

Gyemise Kɛlata ne 1:9

Keleseɛnenli biala mɔɔ anrɛɛ di ehyia na Nyamenle ɛmaa ye zo la ɛli fɛlɛko,