Edwɛkpa ne kɛmɔ Luku hɛlɛle la 3:38 - BAEBOLO ANZƐƐ BULUKU NWUANZANWUANZA

³⁸ Kinan le Yinɔhye ara, Yinɔhye le Sɛte ara, Sɛte le Adam ara, yɛɛ Adam le Nyamenle ara.

Edwɛkpa ne kɛmɔ Luku hɛlɛle la 3:38 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:7

Na Ɛdɛnkɛma Nyamenle vale ndɛtɛlɛ nwonle sonla na ɔliele ngoane ɛnwomenle ɔguale ɔ bonyi nu, na sonla nyianle ngoane.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:25

Adam nee ɔ ye wole ralɛ nrenya bieko. Ɔ ye hanle kɛ, “Nyamenle ɛmaa me ralɛ nrenya ɛmaa meva mezie Ebɛle, mɔɔ Keen hunle ye la abo zo.” Na ɔdonle ye Sɛte.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:26

Sɛte wole ralɛ nrenya na ɔdonle ye Yinɔhye. Mekɛ ne anu menli bɔle ɔ bo kɛ bɛsonle Ɛdɛnkɛma.

Ayezaya Buluku ne 64:8

Noko akee, O Ɛdɛnkɛma, wɔmɔ a ɛle yɛ ze a; yɛmɛ, yɛle ndɛtɛlɛ, yɛɛ wɔmɔ a ɛle nwovolɛ ne a; yɛ muala yɛle ɛ sa anloa gyima.

Edwɛkpa ne kɛmɔ Luku hɛlɛle la 3:37

Leemɛke le Matusɛla ara, Matusɛla le Yinɔko ara, Yinɔko le Gyɛlɛde ara, Gyɛlɛde le Mahalɛli ara, Mahalɛli le Kinan ara,

Edwɛkpa ne kɛmɔ Luku hɛlɛle la 4:1

Gyisɛse vi Azule Dwɔdan ne anloa ziale rale la ɛnee Sunsum Nwuanzanwuanza ne ɛyi ye tɛkɛɛ. Sunsum ne vale ye hɔle fienemgbole ne anu

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

1 Kɔl 15:47

Ndɛtɛlɛ a Nyamenle vale bɔle sonla ne mɔɔ lumua la a, na sonla ne mɔɔ tɔ zolɛ nwiɔ la vi anwuma a rale a.