Edwɛkpa ne kɛmɔ Luku hɛlɛle la 3:36 - BAEBOLO ANZƐƐ BULUKU NWUANZANWUANZA

³⁶ Hyɛla le Keenan ara, Keenan le Aafazade ara, Aafazade le Hyɛm ara, Hyɛm le Nowa ara, Nowa le Leemɛke ara,

Edwɛkpa ne kɛmɔ Luku hɛlɛle la 3:36 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 5:3

Adam lile ɛvolɛ ɛya ko abulasa la, ɔwole ye ɛsaso ralɛ nrenya na ɔdonle ye Sɛte.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:22

Nowa yɛle ɛhye mɔ na ɔyɛle debie biala mɔɔ Nyamenle zele ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:13

Kenle ko ne mɔɔ ezule ne dukuele la, Nowa nee ɔ ye nee ɔ mra mrenya ne mɔ, Hyɛm, Ham, yɛɛ Gyeefɛte nee bɛ mraalɛ nsa ne,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:23

Ɛdɛnkɛma zɛkyele debie biala mɔɔ die ɛnwomenle mɔɔ wɔ azɛlɛ ye azo la, sonla, nane, debie biala mɔɔ twenle ɔ nwo aze, yɛɛ nloma. Nowa nee bɛdabɛ mɔɔ bɛwɔ ɛlɛne ne anu la ala a hale a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:1

Nyamenle arɛle anvi Nowa nee nane nee nyɛmoa ne mɔ mɔɔ Nowa nee bɛ wɔ ɛlɛne ne anu la; ɔmanle anwoma bie vɛlɛle, na azule ne bɔle ɔ bo kɛ ɔsesa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:1

Nyamenle yilale Nowa nee ɔ mra ne mɔ na ɔzele bɛ kɛ, “Bɛwo mralɛ dɔɔnwo na bɛ bo zo amra ɛyi azɛlɛ ye azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:18

Nowa amra ne mɔ mɔɔ vi ɛlɛne ne anu dwule aze la a le Hyɛm, Ham, yɛɛ Gyeefɛte. (Ham ara a le Keena).

1 Edk 1:1

Adam wole Sɛɛte: Sɛɛte wole Yinɔhye: Yinɔhye wole Kinan;

1 Edk 1:17

Hyɛm amra mrenya a le Yilam, Ahyɛɛ, Apakyehyade, Lɛde, Ɛlam, Ɛɛze, Hɛle, Gitɛ, yɛɛ Mihyɛke. Bɛ bo zo amra a ɛnɛ bɛfa bɛ aluma bɛfɛlɛ bɛ la.

Yizikeɛle Buluku ne 14:14

saa menli nsa ɛhye mɔ, Nowa, Daneɛle, yɛɛ Dwobu wɔ maanle ne anu bɔbɔ a, bɛ tenleneyɛlɛ kɛlie bɛdabɛ bɛ ngome ala ngoane. Medame Awulae Nyamenle a mese a.

Edwɛkpa ne kɛmɔ Luku hɛlɛle la 17:27

Awie biala hɔle zolɛ lile, nlonle; mraalɛ ɛgyalɛ nee agyalɛ ɛhɔlɛ liele ebia hɔkpulale kenle mɔɔ Nowa hɔvole ɛlɛne ne anu na ezule ne dɔle bule aze na ɔhunle bɛ muala la.

Edwɛkpa ne kɛmɔ Luku hɛlɛle la 3:35

Neehɔ le Sɛlɛge ara, Sɛlɛge le Riliyu ara, Riliyu le Pɛlɛge ara, Pɛlɛge le Yibɛ ara, Yibɛ le Hyɛla ara.

Edwɛkpa ne kɛmɔ Luku hɛlɛle la 3:37

Leemɛke le Matusɛla ara, Matusɛla le Yinɔko ara, Yinɔko le Gyɛlɛde ara, Gyɛlɛde le Mahalɛli ara, Mahalɛli le Kinan ara,

Kɛlata mɔɔ bɛhɛlɛle bɛhɔmanle Hibuluma la 11:7

Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 2:5

saa Nyamenle anvavi ewiade dɛba ne na ɔvale azuyilɛ ɔzɛkyele ɛtane ewiade ne, na ɔgyakyile Nowa, mɔɔ bɔle Nyamenle pɛlepɛlelilɛ nwo nolo, nee menli nsuu bie;