Edwɛkpa ne kɛmɔ Luku hɛlɛle la 3:23 - BAEBOLO ANZƐƐ BULUKU NWUANZANWUANZA

²³ Mɔɔ Gyisɛse bɔle ye gyima ne abo la ɛnee yeli ɛvolɛ kɛyɛ abulasa, na ɛnee menli ze kɛ Dwosefi ara ɔ. Dwosefi le Hilae ara.

Edwɛkpa ne kɛmɔ Luku hɛlɛle la 3:23 ပူးပေါင်းရင်းမြစ်များ

2 Sam 5:4

Devidi lile ɛvolɛ abulasa la yɛɛ ɔralile belemgbunli a, na ɔziele maanle ne ɛvolɛ abulanla.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:3

na bɛhɛlɛ mrenya mɔɔ ɛli ɛvolɛ abulasa mɔɔ kɔdwu abulanlu, mɔɔ kola gyima yɛ la aluma bɛmaa bɛyɛ Ɛdɛnkɛma Ndanlɛ Sua ne anu gyima.

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Mateyu hɛlɛle la 1:16

Gyekɔbo wole Dwosefi, mɔɔ ɔ ye a le Mɛle mɔɔ wole Gyisɛse, mɔɔ le Kelaese ne la.

Edwɛkpa ne kɛmɔ Mateyu hɛlɛle la 1:6

Gyɛsi wole Belemgbunli Devidi. Devidi wole Sɔlɔmɔn (ɔ nli a le raalɛ ne mɔɔ Yulaya gyale ye bie la),

Edwɛkpa ne kɛmɔ Mateyu hɛlɛle la 13:55

Tɛ kapentanli ne ara nrenya ne ɛ? Tɛ ɔ nli a le Mɛle, yɛɛ tɛ ɔ mediema mrenya a le Gyemise, Dwosefi, Saemɔn, yɛɛ Dwudase?

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Maake hɛlɛle la 6:3

Na tɛ Mɛle ara kapenta ye ɛ? Tɛ ɔ mediema mrenya a le Gyemise, Dwosefi, Dwudase, yɛɛ Saemɔn? Tɛ ɔ mediema mraalɛ noko a yɛ nee bɛ gua sua ye azo la ɔ?” Na bɛkpole ye.

Edwɛkpa ne kɛmɔ Luku hɛlɛle la 2:48

Ye awovolɛ ne nwunle ye la ɔyɛle bɛ azibɛnwo, na ɔ nli zele ye kɛ, “Me ra, duzu ati a wɔyɛ yɛ zɛhae ɛ? Nea, me nee ɛ ze yɛvɛ kpalɛ wɔ wɔ ɛkpondɛlɛ nu.”

Edwɛkpa ne kɛmɔ Luku hɛlɛle la 3:31

Yilayakem le Mɛlɛya ara, Mɛlɛya le Mina ara, Mina le Matata ara, Matata le Neetan ara, Neetan le Devidi ara.

Edwɛkpa ne kɛmɔ Luku hɛlɛle la 4:22

Bɛ muala bɛ nye liele ɔ nwo na ye ɛdendɛlɛ bɔbɔ zinle bɛ nwo, na bɛzele kɛ, “Asoo tɛ Dwosefi ara ye ɛ?”

Dw 1:45

Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Dw 6:42

Na bɛhanle kɛ, “Tɛ Dwosefi ara Gyisɛse ɛhye ɔ? Yɛze ɔ ze nee ɔ nli. Adenle boni azo a ɔlua mɔɔ ɔka kɛ ɔvi anwuma a yera a?”

Ɛzoanvolɛma Gyima ne 1:1

Nana Tiyɔfelɛse: Wɔ me alumua buluku ne anu, menganle ninyɛne mɔɔ Gyisɛse yɛle nee mɔɔ ɔhilehilele la anwo edwɛkɛ