Edwɛkpa ne kɛmɔ Luku hɛlɛle la 3:14 - BAEBOLO ANZƐƐ BULUKU NWUANZANWUANZA

¹⁴ Sogyama bie noko bizale ye kɛ, “Na yɛdayɛ noko ɛ? Duzu a yɛyɛ a?” Dwɔn zele bɛ kɛ, “Bɛmmabɔ awie apo bɛdie ye ezukoa, anzɛɛ bɛmmato awie biala ɛzonle. Bɛmaa bɛ kunlu ɛdwo bɛ ezukoa mɔɔ bɛtua bɛ la anwo.”

Edwɛkpa ne kɛmɔ Luku hɛlɛle la 3:14 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:16

“Bɛmmadi daselɛ adalɛ bɛtia bɛ gɔnwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:1

“Bɛmmabɔ nzekue. Bɛmmadi daselɛ adalɛ bɛboa sonla mɔɔ le amumuyɛ la.

Sɛlɛ 19:11

“Bɛmmawua, bɛmmadi ndunlumi, yɛɛ bɛmmabɔ adalɛ bɛkile bɛ nwo ngoko.

Edwɛkpa ne kɛmɔ Mateyu hɛlɛle la 8:5

Mɔɔ Gyisɛse dwule Kapɛnayɛm la, Wulomu sogya kpanyinli bie rayiale ye na ɔbodole ye kɛ ɔboa ye. Ɔse,

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Edwɛkpa ne kɛmɔ Luku hɛlɛle la 3:10

Menli ne mɔ bizale ye kɛ, “Ɛnee duzu a yɛyɛ a?”

Edwɛkpa ne kɛmɔ Luku hɛlɛle la 3:13

Na ɔzele bɛ kɛ, “Bɛmmadie adwule mɔɔ ɛngɔ mɛla nu la.”

Ɛzoanvolɛma Gyima ne 10:7

Mɔɔ Nyamenle soanvolɛ ne wiele la ɔhɔle. Kɔnileɛse vɛlɛle ye sua nu ɛkɛ ne ngɛkɛlɛ ne mɔ nwiɔ yɛɛ sogyanli ko mɔɔ sulo Nyamenle na ɔboka menli mɔɔ sinza ɔdaye Kɔnileɛse la anwo la,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:11

Mɔɔ melɛka la ɛngile kɛ me nwo ɛhyele me, ɔluakɛ mezukoa kɛ me kunlu kɛdwo me nwo mekɛ biala wɔ gyinlabelɛ biala mɔɔ mewɔ nu la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Yekile 12:10

Akee mendele ɛnelɛ kpole bie vi anwuma, ɔse, “Bɔ zo mɔɔ Nyamenle ngoanelielɛ ne ɛra a! Akee Nyamenle ɛhile ye tumi ne kɛ ɔle Belemgbunli. Akee yehile ye Mɛzaya tumi ne! Ɔluakɛ bɛvuandi mɔɔ gyi Nyamenle anyunlu nɔɔzo nee ewiazo toɔdoa yɛ mediema ne mɔ la bɛde aze.