Edwɛkpa ne kɛmɔ Luku hɛlɛle la 24:51 - BAEBOLO ANZƐƐ BULUKU NWUANZANWUANZA

⁵¹ Mɔɔ ɔyila bɛ la, ɔdele ɔ nwo ɔvile bɛ nwo [na bɛvale ye bɛhɔle anwuma.]

Edwɛkpa ne kɛmɔ Luku hɛlɛle la 24:51 ပူးပေါင်းရင်းမြစ်များ

2 Arl 2:11

Mɔɔ bɛtendɛ la ɛnee bɛ gyakɛ wɔ zolɛ, na arɛlevilɛ nu ala senle ehwili mɔɔ senle mgbɔnwɔ ɛlɛtwe ye la rakpakyele bɛ avinli, na anwoma kpole ne manle Yilaegya zo ɔ nee ye hɔle anwuma.

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Edwɛkpa ne kɛmɔ Luku hɛlɛle la 24:50

Akee Gyisɛse nee bɛ vi suakpole ne azo hɔle mɔɔ asɛɛ bɛdwu Bɛtani la, na ɔmanle ɔ sa zo ɔyilale bɛ.

Edwɛkpa ne kɛmɔ Luku hɛlɛle la 24:52

Ɛzoanvolɛma ne mɔ zonlenle ye na bɛvale fɛlɛkolilɛ kpole bɛziale bɛhɔle Gyɛlusalɛm,

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Ɛzoanvolɛma Gyima ne 1:9

Mɔɔ ɔhanle ɛhye la, bɛmanle ye zo anwuma, na mɔɔ bɛ nye gyi ɔ nwo ala la amungu liele ye vile bɛ nye zo.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.