Edwɛkpa ne kɛmɔ Luku hɛlɛle la 24:44 - BAEBOLO ANZƐƐ BULUKU NWUANZANWUANZA

⁴⁴ Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Edwɛkpa ne kɛmɔ Luku hɛlɛle la 24:44 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:18

Na Seelɛm Belemgbunli Mɛlekezɛdɛke rɛlɛle ye kpanwo nee nwanye. Mɛlekezɛdɛke le Anwuma Anwuma Nyamenle ne sɛlɛvolɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛndolɛ Buluku ne 118:22

Bolɛ ne mɔɔ suasivoma ne kpole la ɛyɛ mgbɛnezo bolɛ mɔɔ anwo hyia a.

Ayezaya Buluku ne 28:16

Yemɔti kɛ Awulae Nyamenle ne se la ɛne, “Bɛnlea, melɛfa bolɛ meado adiabo wɔ Zayɔn. Ɔbayɛ bolɛ mɔɔ bɛzɔ bɛnlea, mgbɛnezo bolɛ mɔɔ sonle bolɛ kpalɛ wɔ adiabo kpundii nu, na meahɛlɛ zolɛ kɛ, ‘Mɔɔ die di la ɛnrɛpele ndɛ.’

Ayezaya Buluku ne 52:13

Bɛnlea, me sonvolɛ ne bakpazi, bɛbali ye eni na bɛamaa ye zo. Ɔbayɛ sonlakpole kpalɛ.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Gyɛlɛmaya Buluku ne 23:5

“Bɛnlea, mekɛ ɛlɛba mɔɔ mebamaa tenlene Ɛhane akpakye Devidi sua nu. Ɔbali belemgbunli na ɔ nee ye menli ne adɛnla nrɛlɛbɛ nu, yeali edwɛkɛ pɛlepɛle nee tenlene nu wɔ azɛlɛ ne azo.

Gyɛlɛmaya Buluku ne 33:14

Ɛdɛnkɛma se, “Bɛnlea, mekɛ bie bara mɔɔ mebaye me ɛwɔkɛ ne mɔɔ membɔle Yizilayɛma nee Dwudama la.

Yizikeɛle Buluku ne 17:22

Awulae Nyamenle ne se: “Medame mumua ne mebahɔ sida baka bie azo, na meahɔbu ɔ ti dɛkɛdɛkɛ ne. Mebahɔlua ye wɔ boka tendenle bie azo,

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Emɔzo Buluku ne 9:11

Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Zɛkalaya Buluku ne 14:4

Mekɛ ne anu ɔbava ɔ gyakɛ yeazie Ɔlivi Boka ne mɔɔ wɔ Gyɛlusalɛm aduduleɛ la azo, na boka ne bakpuke nwiɔ, ɔvi aduduleɛ yeahɔdɔ adɔleɛ, yeaye bɔnza tɛtɛlɛ kpalɛ yeado ɛkɛ; ɛhye bamaa boka ne foa ko ahɔli sɔlɔ na foa ko arali nyiakɛ.

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:8

Na Ɛdɛnkɛma zele Mosisi kɛ, “Fa kɔbele yɛ ɛwɔlɛ na kenda ye baka zo, amaa awie biala mɔɔ nwɔlɛ ne mɔ bie kɛha ye la, kɛ ɔto ɔ nye yeanlea kɔbele ɛwɔlɛ ne la ɛnee yede kpɔkɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:25

Ɔwɔ kɛ maanlema ne pepɛ die ye fi ahenle ne mɔɔ kpondɛ kɛ ɔsenra ye la asa anu. Ɔwɔ kɛ bɛfa ye bɛkɔ ɛvealeka ne mɔɔ ɔnriandile ɔhɔveale la, na ɔtɛnla ɛkɛ ne toonwo kɔkpula mekɛ mɔɔ Sɛlɛvolɛ Kpanyinli ne mɔɔ bɛkpokpale ye nwole nwuanzanwuanza ne la kɛwu la.

Edwɛkpa ne kɛmɔ Mateyu hɛlɛle la 1:22

Ɛhye mɔ amuala zile amaa mɔɔ Awulae luale ye kpɔmanvolɛ ne anwo zo hanle la ayɛ nɔhalɛ kɛ,

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 26:54

Noko saa ɔba ye zɔhane a, ɛnee kɛ ɔkɛyɛ na Nyamenle Edwɛkɛ ne mɔɔ se ɛhye mɔ bazi la ayɛ nɔhalɛ ɛ?”

Edwɛkpa ne kɛmɔ Mateyu hɛlɛle la 26:56

Na ɛhye mɔ amuala ɛzi amaa mɔɔ Nyamenle kpɔmanvolɛ ne hɛlɛle wɔ Nyamenle Edwɛkɛ ne anu la ayɛ nɔhalɛ.” Na ye ɛdoavolɛma ne amuala nriandile gyakyile ye.

Edwɛkpa ne kɛmɔ Maake hɛlɛle la 9:31

ɔboalekɛ ɛnee ɔlɛkilehile ye ɛdoavolɛma ne kɛ, “Bɛbaye Medame Sonla Ra bɛawula menli sa nu bɛamaa bɛahu me, na ye kenle nsa ne anzi mebadwazo meara ngoane nu.”

Edwɛkpa ne kɛmɔ Luku hɛlɛle la 21:22

Ɔluakɛ mekɛ ne le ‘Ndeanlɛ Mekɛ’ mɔɔ bamaa mɔɔ Nyamenle Edwɛkɛ ne ka la ayɛ nɔhalɛ a.

Edwɛkpa ne kɛmɔ Luku hɛlɛle la 22:37

Ɔluakɛ meka meahile bɛ, ɔwɔ kɛ mɔɔ Nyamenle Edwɛkɛ ne ɛha ye wɔ me nwo la yɛ nɔhalɛ. Ɔse, ‘Bɛdianle ye bɛbokale maamɔvoma anwo,’ ɔboalekɛ mɔɔ bɛhɛlɛle mɔɔ fane me nwo la ɛlɛba arape zolɛ.”

Edwɛkpa ne kɛmɔ Luku hɛlɛle la 24:46

na ɔzele bɛ kɛ, “Mɔɔ bɛhɛlɛ bɛdo ɛkɛ ne la ɛne: Ɔwɔ kɛ Mɛzaya ne nwu amaneɛ na ye kenle nsa ne anzi bɛdwazo ye bɛfi mɔwuamra anu.

Edwɛkpa ne kɛmɔ Luku hɛlɛle la 9:22

Akee Gyisɛse zele bɛ kɛ, “Medame Sonla Ra, ɔwɔ kɛ menwu amaneɛ somaa na mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ kpo me. Bɛbahu me, na ye kenle nsa ne anzi Nyamenle badwazo me ara ngoane nu.”

Edwɛkpa ne kɛmɔ Luku hɛlɛle la 9:44

“Bɛmaa ɛhye ɛhɔ bɛ nzo nu! Bɛbaye medame Sonla Ra bɛawula menli sa nu.”

Dw 3:14

Kɛmɔ Mosisi manle kɔbele ɛwɔlɛ ne zo wɔ baka zo wɔ ɛsɛlɛ ne anu la, zɔhane ala yɛɛ bɛbamaa Sonla Ra ne zo a,

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Dw 5:46

Saa bɛliele Mosisi bɛlile a anrɛɛ bɛlie medame noko bɛli; ɔboalekɛ ɔhɛlɛle me nwo edwɛkɛ.

Ɛzoanvolɛma Gyima ne 13:40

Ɛhye ati, bɛnlea boɛ na mɔɔ Nyamenle kpɔmanvolɛma hanle la anzi bɛ nwo zo. Ɔse,

Ɛzoanvolɛma Gyima ne 2:27

Ɔluakɛ wɔmɔ Nyamenle, ɛnrɛgyakyi me ɛkɛla wɔ mɔwuamra anu, yɛɛ ɛnrɛmaa wɔ Nwuanzanwuanza Ko ne nwonane ɛnrɛkpɔlɔ.

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Ɛzoanvolɛma Gyima ne 7:37

Mosisi ɛhye ala a zele Yizilayɛma kɛ, ‘Nyamenle baye ye kpɔmanvolɛ avi bɛ avinli yeazoa ye bɛ nwo, kɛmɔ ɔzoanle me la.’

Kɛlata mɔɔ bɛhɛlɛle bɛhɔmanle Hibuluma la 10:1

Dwuuma mɛla ne ɛnle ninyɛne fɔɔnwo ne mɔɔ wɔ ɛkɛ ne la nɔhalɛ sɔhovolɛ. Ɔle ninyɛne kpalɛ mɔɔ bara la sɔhovolɛ ekyi bie. Azu ko ne ala yɛɛ ɛvolɛ biala bɛbɔ a. Ɛhye ati bɛnrɛhola bɛnrɛlua mɛla ne azo bɛnrɛmaa menli mɔɔ kpondɛ Nyamenle la ɛnrɛlua dahuu azubɔlɛ ko ne ala azo ɛnrɛzɔ Nyamenle anye.

Kɛlata mɔɔ bɛhɛlɛle bɛhɔmanle Hibuluma la 3:5

Mosisi lile nɔhalɛ kɛ ɔle akɛlɛ wɔ Nyamenle sua nu, na ɔlile ninyɛne mɔɔ Nyamenle baha nwolɛ bie wɔ kenle bie la anwo daselɛ.

Kɛlata mɔɔ bɛhɛlɛle bɛhɔmanle Hibuluma la 7:1

Mɛlekezidɛke ɛhye, anrɛɛ ɔle belemgbunli wɔ Salɛm, eza ɔle Anwuma Anwuma Nyamenle ne Sɛlɛvolɛ. Mɔɔ Ebileham vi konle ne mɔɔ ɔlile arelemgbunli nna bie anwo zo konim la anloa ɛlɛba la, Mɛlekezidɛke yiale ye na ɔyilale ye,

Kɛlata mɔɔ bɛhɛlɛle bɛhɔmanle Hibuluma la 9:8

Sunsum Nwuanzanwuanza ne ngilehilelɛ mɔɔ wɔ ngyekyeleɛ ɛhye anwo la kile kɛ suzuamgba ala mɔɔ findezo ndanlɛ sua ne ɛtɛyele ɛkɛ ne la, adenle biala ɛnle ɛkɛ mɔɔ bɛfa nu bɛkɔ Nwuanzanwuanza nu Nwuanzaanwu Ɛleka ne a.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.