Edwɛkpa ne kɛmɔ Luku hɛlɛle la 24:32 - BAEBOLO ANZƐƐ BULUKU NWUANZANWUANZA

³² Na bɛhanle bɛhilele bɛ nwo ngoko kɛ, “Mekɛ mɔɔ ɔlɛtendɛ wɔ adenle ne anu na ɔlɛkilehile yɛ Nyamenle Edwɛkɛ ne anu la ɛnee ɔle kɛ asɛɛ bɛwuda senle yɛ ahonle nu la.”

Edwɛkpa ne kɛmɔ Luku hɛlɛle la 24:32 ပူးပေါင်းရင်းမြစ်များ

Edwɛndolɛ Buluku ne 104:34

Mesɛlɛ kɛ me nzɛlɛlɛ kɛzɔ ɔ nye, ɔluakɛ Ɛdɛnkɛma ati me nye die.

Edwɛndolɛ Buluku ne 39:3

na me ahonle mɔɔ la me kunlu la lɔle katukatu. Mendwenledwenlenle nwolɛ la, me nwo yelɛyelale me; akee mendendɛle menzele kɛ,

Mrɛlɛbulɛ Buluku ne 27:17

Bulalɛ si bulalɛ maa ɔyɛ nla, yɛɛ sonla yɛ sonla maa ɔyɛ sonla.

Mrɛlɛbulɛ Buluku ne 27:9

Nwole evuanlɛ nee anatele maa sonla nye die, na amaneɛnwunlɛ maa sonla di nyane.

Ayezaya Buluku ne 50:4

Awulae Nyamenle ɛmaa me ɛnloanlɛ, amaa meahilehile, na meanwu edwɛkɛ kpalɛ mɔɔ meka a ɔkɛmaa mɔɔ anwo ɛbɛlɛ ye la anwosesebɛ a. Nwonlomɔ biala ɔtunwue me, ɔbuke me nzo, amaa meade mɔɔ ɔkilehile me la.

Gyɛlɛmaya Buluku ne 15:16

O Ɛdɛnkɛma, Tumivolɛ Nyamenle, ɛdendɛle ɛhilele me, na mendiele. Wɔ edwɛkɛ ne manle me nye liele na menlile fɛlɛko; ɔlua zolɛ bɛfa wɔ duma a bɛfɛlɛ me a.

Gyɛlɛmaya Buluku ne 20:9

Saa meka kɛ, “Menrɛbɔ ye duma anzɛɛ menrɛbɔ ye duma menrɛdeɛdea” a; ɛnee ye edwɛkɛ ne sɔ kɛ senle yela me ahonle nu, ɔwolowolo me mbowule nu; akee meli ye me kunlu mevɛ, mengola.

Gyɛlɛmaya Buluku ne 23:29

Ɛdɛnkɛma se, “Me edwɛkɛ ne le senle, ɔle kɛ hamenle mɔɔ bɛfa bɛkpukekpuke bodane la.

Edwɛkpa ne kɛmɔ Maake hɛlɛle la 4:34

Mrɛlɛ nu ngome a ɔdendɛle ɔhilele bɛ a, na saa ɔka ɔdaye nee ye ɛdoavolɛma ne mɔ angome a akee yeahilehile bɛ mrɛlɛ ne mɔ abo.

Edwɛkpa ne kɛmɔ Luku hɛlɛle la 24:45

Akee ɔbukele bɛ adwenle ɔmanle bɛdele Nyamenle Edwɛkɛ ne abo,

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.