Edwɛkpa ne kɛmɔ Luku hɛlɛle la 24:20 - BAEBOLO ANZƐƐ BULUKU NWUANZANWUANZA

²⁰ Yɛ sɛlɛvolɛ mgbanyinli nee mgbanyima ne mɔ yele ye manle bɛbule ye ewule fɔlɛ, na bɛbɔle ye meanubaka nu.

Edwɛkpa ne kɛmɔ Luku hɛlɛle la 24:20 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 27:20

Sɛlɛvolɛ mgbanyinli ne nee mgbanyima ne mɔ lile wulale menli ne kɛ bɛbiza bɛlie Balabase na bɛmaa bɛhu Gyisɛse.

Edwɛkpa ne kɛmɔ Maake hɛlɛle la 15:1

Nwonlomɔ mangyee ne ala, sɛlɛvolɛ mgbanyinli ne mɔ yiale Dwuu mgbanyima ne, mɛla kilehilevolɛma ne, yɛɛ ayiama ne mɔ amuala na ndɛndɛ ne ala bɛvale adwenle. Bɛguale Gyisɛse nwɔnzɔnwɔnzɔ na bɛvale ye bɛhɔmanle Wulomu Amɛnlado Paelɛte.

Edwɛkpa ne kɛmɔ Luku hɛlɛle la 22:66

Mɔɔ maanle nu tetele la, mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ yiale nu na bɛvale Gyisɛse bɛraziele ayia ne anyunlu.

Edwɛkpa ne kɛmɔ Luku hɛlɛle la 23:13

Paelɛte vɛlɛle sɛlɛvolɛ mgbanyinli ne, mgbanyima ne mɔ yɛɛ ɛlɔne ne amuala manle bɛyiale,

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

1 Tɛs 2:15

Dwuuma hunle Awulae Gyisɛse nee kpɔmanvolɛma ne mɔ, bɛyɛle yɛ kpɔdekpɔde bɛmanle yɛnriandile. Bɛha Nyamenle ɛya kpole! Bɛkyi awie biala.