Edwɛkpa ne kɛmɔ Luku hɛlɛle la 23:6 - BAEBOLO ANZƐƐ BULUKU NWUANZANWUANZA

⁶ Paelɛte dele ɛhye la, ɔbizale kɛ, “Na nrenya ɛhye le Galelinli ɔ?”

Edwɛkpa ne kɛmɔ Luku hɛlɛle la 23:6 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 26:69

Pita de alie ne anwo la, Sɛlɛvolɛ Kpanyinli ne sonvolɛ raalɛ ko rale ɛkɛ ne razele ye kɛ, “Ɛdawɔ noko ɛ nee Gyisɛse mɔɔ vi Galeli la a lua a.”

Edwɛkpa ne kɛmɔ Luku hɛlɛle la 13:1

Mekɛ ne anu menli bie rahanle Galelima bie mɔɔ Paelɛte ɛmaa bɛhu bɛ wɔ mekɛ mɔɔ ɛnee bɛlɛbɔ azu bɛamaa Nyamenle la anwo edwɛkɛ hilele Gyisɛse.

Edwɛkpa ne kɛmɔ Luku hɛlɛle la 23:5

Na bɛ nye bolole ɛsesebɛ bɛzele kɛ, “Ɔlɛfa ye ngilehilelɛ ne yeamaa menli ne ado nzaka wɔ Dwudiya amuala. Ɔbɔle ɔ bo wɔ Galeli yɛɛ yeradwu ɛke a.”

Edwɛkpa ne kɛmɔ Luku hɛlɛle la 23:7

Na mɔɔ ɔdele ɔ bo kɛ Gyisɛse vi maanzinli ne mɔɔ Hɛlɔdo a nea zo la anu la, ɔmanle bɛvale ye bɛhɔmanle Hɛlɔdo; mekɛ ne anu ɛnee Hɛlɔdo ɔdaye yera Gyɛlusalɛm.

Ɛzoanvolɛma Gyima ne 5:37

Ɛhye anzi, wɔ menli ɛdianlɛ mekɛ ne anu, Dwudase mɔɔ vi Galeli la ɔdaye ɔdwazole. Ɔdaye ɔhwenle menli dɔɔnwo ɔlile ɔ nzi. Na ɔdaye bɛhunle ye na menli mɔɔ li ɔ nzi la amuala zandele.