Edwɛkpa ne kɛmɔ Luku hɛlɛle la 22:31 - BAEBOLO ANZƐƐ BULUKU NWUANZANWUANZA

³¹ Akee Gyisɛse zele Pita kɛ, “Saemɔn, Saemɔn! Tie! Seetan ɛnyia adenle kɛ ɔsɔ bɛ muala yeanlea, na yeakpa bɛ nu yeaye kpalɛ ne yeavi ɛtane ne anu kɛ ɛyazonlɛnli kpa abɛlɛ nu la.

Edwɛkpa ne kɛmɔ Luku hɛlɛle la 22:31 ပူးပေါင်းရင်းမြစ်များ

Ayezaya Buluku ne 28:28

Asoo bɛwozo hwiiti ma a bɛgelegele nu? Kyɛkyɛ, bɛnyɛ ye zɔhane ɛlɛ. Saa ɔka ye ehwili ne yeawozo a, ɔyɛ ye bɛtɛɛ na yeangelegele ma ne anu.

Emɔzo Buluku ne 9:9

“Mebaha tumi edwɛkɛ ne na meahegye Yizilayɛma kɛ bɛkɛgye ma la. Mebahegye bɛ meavi maanle maanle avinli na meaye mɔɔ ɛnle kpalɛ la meavi nuhua.

Zɛkalaya Buluku ne 3:1

Akee Ɛdɛnkɛma vale Sɛlɛvolɛ Kpanyinli Dwɔhyua hilele me. Ɔgyi Ɛdɛnkɛma soanvolɛ ne anyunlu ɛkɛ na Seetan gyi ɔ sa fema zo kɛ ɔto ye ɛzonle.

Edwɛkpa ne kɛmɔ Mateyu hɛlɛle la 26:30

Akee bɛdole edwɛne na bɛhɔle Ɔlivi Boka ne azo.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Luku hɛlɛle la 10:41

Awulae buale ye kɛ, “Maata, Maata! Ninyɛne dɔɔnwo gyegye wɔ sɛkye wɔ adwenle.

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

1 Kɔl 5:5

bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

Yekile 12:10

Akee mendele ɛnelɛ kpole bie vi anwuma, ɔse, “Bɔ zo mɔɔ Nyamenle ngoanelielɛ ne ɛra a! Akee Nyamenle ɛhile ye tumi ne kɛ ɔle Belemgbunli. Akee yehile ye Mɛzaya tumi ne! Ɔluakɛ bɛvuandi mɔɔ gyi Nyamenle anyunlu nɔɔzo nee ewiazo toɔdoa yɛ mediema ne mɔ la bɛde aze.