Edwɛkpa ne kɛmɔ Luku hɛlɛle la 22:3 - BAEBOLO ANZƐƐ BULUKU NWUANZANWUANZA

³ Seetan wolole Dwudase, mɔɔ eza bɛfɛlɛ ye Yesekaleɔto na ɔle ɛdoavolɛma bulu nee nwiɔ ne anu ko la.

Edwɛkpa ne kɛmɔ Luku hɛlɛle la 22:3 ပူးပေါင်းရင်းမြစ်များ

Edwɛndolɛ Buluku ne 41:9

Me gɔnwo kpalɛ bɔbɔ mɔɔ me rɛle wɔ ye nu, mɔɔ nee me yɛto ɛsalɛ ɛyɛba ko anu la, ɛhakyi ɔ nzi ɛzi me.

Edwɛkpa ne kɛmɔ Mateyu hɛlɛle la 10:4

Saemɔn mɔɔ le Keenanli ne, nee Dwudase Yesekaleɔto mɔɔ yele Gyisɛse manle la.

Edwɛkpa ne kɛmɔ Mateyu hɛlɛle la 26:23

Gyisɛse buale kɛ, “Ahenle ne mɔɔ me nee ye yɛ sa ɛhɔ ɛyɛba ye anu la a baye me amaa a.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Luku hɛlɛle la 22:21

“Na bɛnlea, sonla ne mɔɔ ye me amaa la nee me de ɛkponle ye anwo ɛke!

Edwɛkpa ne kɛmɔ Luku hɛlɛle la 6:16

Gyemise ara Dwudase, yɛɛ Dwudase Yesekaleɔto, mɔɔ yele Gyisɛse manle la.

Dw 12:6

Tɛ kɛ asɛɛ ɔdwenle ehyianvolɛma anwo somaa la ati a ɔhanle ɛhye a, na ɔle awule, eza kɛmɔ ɔdaye a ɔsie bɛ gya ne la, ɔyɛ a ɔto ɔ sa nu.

Dw 13:18

“Tɛ bɛ muala bɛ nwo edwɛkɛ a melɛka a; meze mɔɔ mekpa nu meye bɛ la. Na Nyamenle Edwɛkɛ ne mɔɔ se, ‘Sonla ne mɔɔ nee me di nee me no la hakyile ɔ nzi zile me’ la ɔwɔ kɛ yɛ zɔhane.

Dw 13:2

Gyisɛse nee ye ɛdoavolɛma ne dɛnlanle aze nɔsolɛ nu kɛ bɛdi debie. Abɔnsam noko ɛbɔ kpɔkɛ ɛwie kɛ ɔwɔ kɛ Dwudase, Saemɔn Yesekaleɔto ara ne ye Gyisɛse maa.

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?