Edwɛkpa ne kɛmɔ Luku hɛlɛle la 22:2 - BAEBOLO ANZƐƐ BULUKU NWUANZANWUANZA

² sɛlɛvolɛ mgbanyinli ne nee mɛla kilehilevolɛma ne mɔ bɔle adwenle kɛ bɛfa adenle bie azo kɛ bɛ sa kɛha Gyisɛse bɛkɛhu ye bɛkɛvea, ɔluakɛ bɛsulo menli ne.

Edwɛkpa ne kɛmɔ Luku hɛlɛle la 22:2 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:14

Yemɔti Falasiima ne vindele na bɛhɔbɔle kpɔkɛ kɛ bɛku Gyisɛse.

Edwɛkpa ne kɛmɔ Mateyu hɛlɛle la 21:38

Na mɔɔ abunsama ne nwunle ɔ ra ne la, bɛhanle bɛhilele bɛ nwo ngoko kɛ, ‘Kɔliagya ne ɛne. Bɛrɛla bɛmaa yɛhu ye na yɛva ye agyadeɛ ne!’

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Maake hɛlɛle la 14:1

Mɔɔ ɔhale kenle nwiɔ na Akpabɛnwo nee Angye Ɛvoyia ne adwu la, sɛlɛvolɛ mgbanyinli ne nee mɛla kilehilevolɛma ne mɔ kpondɛle adenle mɔɔ bɛdua zo bɛahye Gyisɛse ahane ɛleka bie bɛahu ye la, ɔluakɛ bɛse,

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

Dw 11:57

Sɛlɛvolɛ mgbanyima ne nee Falasiima ɛva ɛdo gua kɛ saa awie biala ze ɛleka mɔɔ Gyisɛse vea la a, ɔraha, amaa bɛahɔhye ye.

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.