Edwɛkpa ne kɛmɔ Luku hɛlɛle la 22:19 - BAEBOLO ANZƐƐ BULUKU NWUANZANWUANZA

¹⁹ Akee ɔvale kpanwo, ɔyɛle Nyamenle mo, ɔbubule nuhua, ɔvale ɔmanle bɛ na ɔzele kɛ, “Ɛhye a le me nwonane ne [mɔɔ bɛva bɛmaa bɛ la. Anrɛɛ bɛyɛ ɛhye bɛva bɛhakye me.”

Edwɛkpa ne kɛmɔ Luku hɛlɛle la 22:19 ပူးပေါင်းရင်းမြစ်များ

Edwɛndolɛ Buluku ne 111:4

Ɛdɛnkɛma le dovolɛ nee anwunvɔnezelɛnli, yemaa bɛhakye ye nwanwane gyima ne mɔ.

Sɔlɔmɔn Edwɛne 1:4

Fa me bɔ ɛ nwo na maa yɛnriandi yɛhɔ. Belemgbunli ne ɛva me ɛra ye sua kunlu. Yɛ mu nwiɔ yɛ nye balie, yɛbahanvo wɔ ɛhulolɛ fɛlɛko ne yɛadɛla nwanye. Ɔnyɛ ɛzulolɛ kɛ mraalɛ kɔsɔɔti kulo wɔ a.

Yizikeɛle Buluku ne 37:11

Akee Nyamenle zele me kɛ, “Sonla ra, mbowule ɛhye mɔ a le Yizilayɛma amuala. Nea, bɛ edwɛkɛ a le kɛ, ‘Yɛ mbowule ɛwe, yɛnlɛ anyelazo biala; bɛpɛ yɛ bɛgua bɔkɔɔ ala ɛne.’

Yizikeɛle Buluku ne 5:5

Kɛ Awulae Nyamenle ne se la ɛne: “Gyɛlusalɛm ɛne. Meva ye mezie ewiade avinli, memaa maanle maanle ɛbɔ ɛyia ye.

Daneɛle Buluku ne 2:38

Ɛ sa nu yɛɛ yeva menli kɔsɔɔti mɔɔ wɔ azɛlɛ ye azo, nane, yɛɛ nloma yewula a, kɛ ɛzie bɛ. Nana, wɔmɔ a ɛle ezukoa nvutuke etile ne a.

Edwɛkpa ne kɛmɔ Mateyu hɛlɛle la 14:19

Akee ɔmanle menli ne mɔ dɛnlanle aze wɔ ndile ne azo, ɔvale kpanwo mumua nnu ne nee fɛlɛ nwiɔ ne; ɔnleanle anwuma na ɔyɛle Nyamenle mo. Ɔbubule nuhua na ɔvale ɔmanle ye ɛdoavolɛma ne, na ɛdoavolɛma ne vale manle menli ne.

Edwɛkpa ne kɛmɔ Mateyu hɛlɛle la 15:36

Akee ɔvale kpanwo mumua nsuu ne nee fɛlɛ ne, ɔyɛle Nyamenle mo na ɔbubule nuhua ɔvale ɔmanle ɛdoavolɛma ne, na ɛdoavolɛma ne vale manle menli ne lile.

Edwɛkpa ne kɛmɔ Luku hɛlɛle la 22:17

Akee Gyisɛse vale dwora ne, ɔyɛle Nyamenle mo, na ɔzele kɛ, “Bɛlie ɛhye bɛnlo.

Edwɛkpa ne kɛmɔ Luku hɛlɛle la 22:20

Zɔhane ala noko yɛɛ mɔɔ bɛwiele debie di la, ɔvale dwora ne ɔmanle bɛ na ɔhanle kɛ, “Dwora ɛhye mɔɔ bɛlɛno nu la a le Nyamenle ngyekyeleɛ fofolɛ ne mɔɔ bɛva me mogya ne bɛzɔ ɔ nloa la; bɛlie bɛnlo.]

Edwɛkpa ne kɛmɔ Luku hɛlɛle la 24:30

Ɔ nee bɛ dɛnlanle aze kɛ bɛdi debie la, ɔvale kpanwo ne, ɔyilale zolɛ, ɔbubule nuhua na ɔvale ɔmanle bɛ.

Dw 6:23

Nzinlii nlɛne gyɛne vi Taebilease rale ɛleka mɔɔ Gyisɛse vale kpanwo ne na ɔyɛle mo ɔvale ɔmanle menli ne lile la.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

1 Kɔl 10:4

bɛnlonle sunsum nu nzule ko ne ala. Ɔluakɛ bɛ muala bɛnlonle nzule ne mɔɔ vi sunsum nu bodane ne anu vindele zenle lile bɛ nzi la bie; bodane zɔhane a le Kelaese mumua ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:25

Yemɔti Heega gyi ɛkɛ maa Boka Saenae mɔɔ wɔ Areleebea la, na yemɔ a le ɛnɛ mekɛ ye suakpole Gyɛlusalɛm. Ɔ nee menli mɔɔ wɔ zolɛ la amuala wɔ akɛlɛ ɛzonlenlɛ bo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

1 Tɛs 5:18

na bɛyɛ Nyamenle mo wɔ gyinlabelɛ biala anu. Mɔɔ Nyamenle kpondɛ kɛ bɛdabɛ mɔɔ bɛ nee Kelaese Gyisɛse lua la yɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.