Edwɛkpa ne kɛmɔ Luku hɛlɛle la 22:18 - BAEBOLO ANZƐƐ BULUKU NWUANZANWUANZA

¹⁸ Ɔluakɛ meka meahile bɛ, ɔvi ɛnɛ mɔɔ kɔ la menrɛnlo vanye ma nu nzule bieko kɔkpula kɛ Nyamenle Belemgbunlililɛ ne kɛra la.”

Edwɛkpa ne kɛmɔ Luku hɛlɛle la 22:18 ပူးပေါင်းရင်းမြစ်များ

Edwɛndolɛ Buluku ne 104:15

yeanyia nwanye yeamaa sonla nye alie, yeanyia nwole yeamaa ɔ nyunlu ada, na yeanyia aleɛ yeamaa sonla nwo ayɛ se.

Sɔlɔmɔn Edwɛne 5:1

Me diema raalɛ, me atɔfolɛ, mera me tola ne anu. Melɛboɔboa me alufuanlɛ nee me aledonlɛ ninyɛne evuanlɛ ne mɔ anloa; melɛdi me wolɛ ndɛlamoa nee me wolɛ ne; melɛno me nwanye ne nee me meleke ne. Agɔnwolɛma, bɛli na bɛnlo bɛnlo bɛbo, o kulovolɛma.

Ayezaya Buluku ne 25:6

Zayɔn Boka ye azo yɛɛ Tumivolɛ Ɛdɛnkɛma bava nane mɔɔ ɛlɔ nee nwanye mɔɔ ɛbe kpalɛ la ado ɛkponle amaa maanle maanle ne mɔ a.

Ayezaya Buluku ne 55:1

Ɛdɛnkɛma se, “Awie biala mɔɔ nzuhɔne ɛlɛku ye la ɛrɛla ɛranlo nzule; yɛɛ mɔɔ ɛnlɛ ezukoa la ɛrɛla ɛradɔ aleɛ ɛli. Bɛrɛla, bɛradɔ nwanye nee meleke, bɛnlɛ bolɛ yɛɛ bɛnva ezukoa bɛndɔ.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Zɛkalaya Buluku ne 9:15

Tumivolɛ Ɛdɛnkɛma bawowa bɛ; bɛbahu totoabɔma ne bɛatietia bɛ nwo zo. Bɛbayɛ begyebegye kɛ asɛɛ bɛbo nza; bɛbaha bɛ kpɔvolɛma mogya bɛagua, yeazonyi kɛ asɛɛ ɔgyi kɔpo nu na bɛlɛwola bɛagua azukponle ne mgbɛne zo.

Zɛkalaya Buluku ne 9:17

Ɛhɛe, azɛlɛ ne bayɛ kpalɛ, ayɛ kɛnlɛma! Zolɛ abɛlɛ nee nwanye fofolɛ bamaa zolɛ mgbavolɛ nee mbɛlɛra anyia anwosesebɛ.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Edwɛkpa ne kɛmɔ Mateyu hɛlɛle la 26:29

Meka meahile bɛ, menrɛnlo vanye ma nu nzule bieko kɔkpula kenle ne mɔɔ me nee bɛ banlo ye bieko wɔ Egya Belemgbunlililɛ nu la.”

Edwɛkpa ne kɛmɔ Maake hɛlɛle la 14:23

Akee ɔvale dwora ne mɔɔ nwanye ne wɔ nu la, ɔyɛle Nyamenle mo, ɔvale ɔmanle ye ɛdoavolɛma ne mɔ amuala nlonle bie

Edwɛkpa ne kɛmɔ Maake hɛlɛle la 14:25

Nɔhalɛ, menrɛnlo nwanye ɛhye bieko, kyesɛ Nyamenle Belemgbunlililɛ nu na meanlo nwanye bieko.”

Edwɛkpa ne kɛmɔ Maake hɛlɛle la 15:23

Ɛkɛ ne bɛmanle ye nwanye mɔɔ bɛva alufuanlɛ bɛkpoto nu la kɛ ɔnlo; na Gyisɛse anno.

Edwɛkpa ne kɛmɔ Maake hɛlɛle la 9:1

Na ɔhanle ɔzɔle zolɛ kɛ, “Bɛhakye ɛhye! Bie mɔ gyi bɛ avinli ɛke mɔɔ bɛnrɛwu kɔkpula kɛ bɛkɛnwu Nyamenle belemgbunlililɛ ne kɛ yera zo wɔ tumi nu.”

Edwɛkpa ne kɛmɔ Luku hɛlɛle la 21:31

Zɔhane ala yɛɛ mekɛ mɔɔ bɛkɛnwu kɛ ninyɛne ɛhye mɔ ɛlɛsisi la, ɛnee bɛnwu ye kɛ Nyamenle Belemgbunlililɛ ne ɛbikye a.

Edwɛkpa ne kɛmɔ Luku hɛlɛle la 22:16

Ɔluakɛ meka meahile bɛ kɛ, menrɛli ye bieko kɔkpula kɛ ye kpɔkɛ mɔɔ ɔgyi zo la ɛli munli wɔ Nyamenle Belemgbunlililɛ nu.”

Edwɛkpa ne kɛmɔ Luku hɛlɛle la 9:27

Bɛhakye ɛhye! Bie mɔ wɔ ɛke mɔɔ bɛnrɛwu kɔkpula kɛ bɛkɛnwu kɛ Nyamenle belemgbunlililɛ ne ɛra la.”

Kɔlɔ 1:13

Nyamenle ɛlie yɛ ɛvi awozinli nu tumi ne mɔ abo, yeva yɛ yera ɔ Ra kulovolɛ ne belemgbunlililɛ ne abo,

Maanlebuvolɛma Buluku ne 9:13

Na vanye baka zele bɛ kɛ, ‘Saa menwɔli bɛ belemgbunli a, ɛnee ɔwɔ kɛ megyakyi nwanye ne mɔɔ maa awozonle nee menli anye die la ma ne ɛzolɛ.’