Edwɛkpa ne kɛmɔ Luku hɛlɛle la 22:17 - BAEBOLO ANZƐƐ BULUKU NWUANZANWUANZA

¹⁷ Akee Gyisɛse vale dwora ne, ɔyɛle Nyamenle mo, na ɔzele kɛ, “Bɛlie ɛhye bɛnlo.

Edwɛkpa ne kɛmɔ Luku hɛlɛle la 22:17 ပူးပေါင်းရင်းမြစ်များ

Edwɛndolɛ Buluku ne 116:13

Mebamaa ngoanelielɛ kɔpo ne zo, na meabɔ Ɛdɛnkɛma duma meazonle ye.

Edwɛndolɛ Buluku ne 23:5

Ɛto me ɛkponle wɔ me kpɔvolɛma anyunlu; ɛkpokpa me nwole, me kɔpo yi bulu zo.

Gyɛlɛmaya Buluku ne 16:7

Awie biala ɛnrɛva debie ɛnrɛdende sonla mɔɔ ɛlɛsu awie la anyunlu kɛ ɔfa yeakyekye ɔ rɛle, yɛɛ awie biala ɛnrɛkyekye awie arɛle kɛ yeminli ɔ ze anzɛɛ ɔ nli la.

Edwɛkpa ne kɛmɔ Mateyu hɛlɛle la 14:19

Akee ɔmanle menli ne mɔ dɛnlanle aze wɔ ndile ne azo, ɔvale kpanwo mumua nnu ne nee fɛlɛ nwiɔ ne; ɔnleanle anwuma na ɔyɛle Nyamenle mo. Ɔbubule nuhua na ɔvale ɔmanle ye ɛdoavolɛma ne, na ɛdoavolɛma ne vale manle menli ne.

Edwɛkpa ne kɛmɔ Mateyu hɛlɛle la 15:36

Akee ɔvale kpanwo mumua nsuu ne nee fɛlɛ ne, ɔyɛle Nyamenle mo na ɔbubule nuhua ɔvale ɔmanle ɛdoavolɛma ne, na ɛdoavolɛma ne vale manle menli ne lile.

Edwɛkpa ne kɛmɔ Mateyu hɛlɛle la 26:26

Mɔɔ bɛlɛdi debie la, Gyisɛse vale kpanwo, ɔyilale zolɛ, ɔbubule nuhua ɔmanle ye ɛdoavolɛma ne na ɔzele bɛ kɛ, “Bɛlie bɛli, ɛhye a le me nwonane ne a.”

Edwɛkpa ne kɛmɔ Maake hɛlɛle la 14:22

Mɔɔ bɛgua zolɛ bɛlɛdi aleɛ ne la, Gyisɛse vale kpanwo, ɔyɛle Nyamenle mo, ɔbubule nu ɔvale ɔmanle ye ɛdoavolɛma ne na ɔzele bɛ kɛ, “Bɛlie bɛli, ɛhye a le me nwonane ne a.”

Edwɛkpa ne kɛmɔ Luku hɛlɛle la 22:19

Akee ɔvale kpanwo, ɔyɛle Nyamenle mo, ɔbubule nuhua, ɔvale ɔmanle bɛ na ɔzele kɛ, “Ɛhye a le me nwonane ne [mɔɔ bɛva bɛmaa bɛ la. Anrɛɛ bɛyɛ ɛhye bɛva bɛhakye me.”

Edwɛkpa ne kɛmɔ Luku hɛlɛle la 9:16

Gyisɛse vale kpanwo nnu ne nee fɛlɛ nwiɔ ne, ɔnleanle anwuma, ɔyɛle Nyamenle mo, ɔbubule nuhua, ɔvale ɔmanle ye ɛdoavolɛma ne kɛ bɛhyɛ bɛmaa menli ne mɔ.

Wulo 14:6

Mɔɔ dwenle nwolɛ sie kenle ko kɛ ɔhyia ɔtɛla kenle mɔɔ ɛha la yɛ ye zɔhane wɔ Awulae anyunlunyia ti; mɔɔ di debie biala la yɛ ye zɔhane wɔ Awulae anyunlunyia ti, ɔboalekɛ ɔyɛ Nyamenle mo wɔ aleɛ biala mɔɔ ɔbali la anwo. Mɔɔ kpo kɛ ɔnrɛli debie biala la yɛ ye zɔhane wɔ Awulae anyunlunyia ti, ɔluakɛ ɔdaye noko ɔyɛ Nyamenle mo wɔ nwolɛ.

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

1 Kɔl 11:23

Ngilehilelɛ ne mɔɔ menyianle ye menvile Awulae lɔ la a menvale memanle bɛ a, yemɔ a le kɛ, nɔe ne mɔɔ bɛyele Awulae Gyisɛse bɛmanle la, ɔvale kpanwo,

Mɛla 8:10

Bɛbali bɛ ko ayi, na bɛaye Ɛdɛnkɛma bɛ Nyamenle ne ayɛlɛ wɔ azɛlɛ kpalɛ mɔɔ yeva yemaa bɛ la ati.