Edwɛkpa ne kɛmɔ Luku hɛlɛle la 21:12 - BAEBOLO ANZƐƐ BULUKU NWUANZANWUANZA

¹² Bɛbahyehye bɛ, bɛayɛ bɛ kpɔdekpɔde, bɛbaye bɛ bɛamaa bɛali bɛ edwɛkɛ wɔ bɛ nyianu azua ne mɔ anu na bɛagua bɛ efiade; bɛbava bɛ bɛahɔgyinla arelemgbunli nee maanle mgbanyima nyunlu wɔ me ti kolaa na ɛhye mɔ asisi.

Edwɛkpa ne kɛmɔ Luku hɛlɛle la 21:12 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 22:6

bɛdabɛ mɔɔ bɛhale la, bɛhyele sonvolɛma ne mɔ bɛzale bɛ na bɛhunle bɛ.

Edwɛkpa ne kɛmɔ Mateyu hɛlɛle la 24:8

Ɛhye mɔ amuala le kɛ awolɛ nyane ɛdelɛ bo ɛbɔlɛ.

Edwɛkpa ne kɛmɔ Luku hɛlɛle la 21:11

Azɛlɛ bakpusu, ɛhɔne nee ewule ngakyile bara ɛleka dɔɔnwo, sɛkɛlɛneɛ mgbole nee ninyɛne ɛzulolɛ ngakyile basisi anwomanyunlu.

Dw 15:20

Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Ɛzoanvolɛma Gyima ne 22:30

Ɛnee sogyama kpanyinli ne kpondɛ kɛ ɔnwu deɛ holɛ ko mɔɔ yemɔti Dwuuma ne ɛlɛto Pɔɔlo ɛzonle la ati, aleɛ hyenle la ɔmanle bɛyele Pɔɔlo nwɔnzɔnwɔnzɔ ne na ɔmanle sɛlɛvolɛ mgbanyinli ne nee ayiama ne mɔ amuala yiale na ɔvale Pɔɔlo ɔragyinlanle bɛ nyunlu ɛkɛ.

Ɛzoanvolɛma Gyima ne 5:40

Bɛvale ɛzoanvolɛma ne bɛrale ayiama ne anyunlu bieko, bɛbilale bɛ empele, na bɛduale bɛ kɛ bɛmmabɔ Gyisɛse duma bieko ɛlɛ ɛleka biala; na bɛgyakyile bɛ.

Ɛzoanvolɛma Gyima ne 8:3

Na Sɔɔlo bɔle mɔdenle ala kɛ ɔkɛzɛkye Asɔne ne. Ɔwolowolole azua nu ɔhɔhwenle mraalɛ nee mrenya mɔɔ ɛzɔ diedi ne anu la na ɔvale bɛ ɔvindele ɔmanle bɛguale bɛ efiade.

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

1 Pit 2:13

Awulae ati bɛha bɛ nwo aze bɛmaa menli mɔɔ lɛ tumi wɔ bɛ sa nu mɔɔ le kɛ Maanle Maanle Belemgbunli ne, mɔɔ yemɔ a maanle ne anu tumi wɔ ɔ sa nu la,

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.