Edwɛkpa ne kɛmɔ Luku hɛlɛle la 2:51 - BAEBOLO ANZƐƐ BULUKU NWUANZANWUANZA

⁵¹ Yemɔti Gyisɛse nee bɛ ziale rale Nazalɛte, na ɔyɛle tieyɛ ɔmanle bɛ. Ɔ nli vale edwɛkɛ ɛhye mɔ amuala ziele ɔ ti akunlu.

Edwɛkpa ne kɛmɔ Luku hɛlɛle la 2:51 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:11

Na akee ɔ mediema mrenya ne mɔ anye bolole ɔ nwo na ɔ ze ɛdeɛ, ɔvale edwɛkɛ ne ɔziele ɔ ti anu.

Edwɛndolɛ Buluku ne 119:11

Meva wɔ edwɛkɛ ne mezie me ahonle nu, amaa meanyɛ ɛtane meantia wɔ.

Daneɛle Buluku ne 7:28

“Edwɛkɛ ne awieleɛ ɛne. Na mame Daneɛle, ɔmanle ɛzulolɛ hanle me, na me adwenle zɛkyele, noko menvale edwɛkɛ ne menziele me ti anu.”

Edwɛkpa ne kɛmɔ Mateyu hɛlɛle la 12:46

Mɔɔ Gyisɛse anloa wɔ zo ɔlɛtendɛ yeahile menli ne mɔ la, ɔ nli nee ɔ mediema mrenya ne mɔ rale alie nwo ɛkɛ ne na bɛhanle kɛ bɛkpondɛ ye bɛ nee ye adendɛ.

Edwɛkpa ne kɛmɔ Mateyu hɛlɛle la 3:15

Gyisɛse buale kɛ, “Maa ɔyɛ zɔhane kɛkala. Ɔluakɛ ɔle kpalɛ kɛ yɛfa zɛhae adenle zo yɛyɛ mɔɔ Nyamenle kpondɛ kɛ yɛyɛ la.” Zɔhane ati Dwɔn kponlenle zolɛ na ɔzɔnenle ye.

Edwɛkpa ne kɛmɔ Maake hɛlɛle la 1:9

Mekɛ ne anu Gyisɛse vi Nazalɛte mɔɔ wɔ Galeli maanzinli nu la rale, na ɔmanle Dwɔn zɔnenle ye wɔ Dwɔdan ne anu.

Edwɛkpa ne kɛmɔ Maake hɛlɛle la 6:3

Na tɛ Mɛle ara kapenta ye ɛ? Tɛ ɔ mediema mrenya a le Gyemise, Dwosefi, Dwudase, yɛɛ Saemɔn? Tɛ ɔ mediema mraalɛ noko a yɛ nee bɛ gua sua ye azo la ɔ?” Na bɛkpole ye.

Edwɛkpa ne kɛmɔ Luku hɛlɛle la 18:37

Bɛbuale ye kɛ, “Gyisɛse mɔɔ vi Nazalɛte la a ɛlɛse a.”

Edwɛkpa ne kɛmɔ Luku hɛlɛle la 2:19

Mɛle vale edwɛkɛ ɛhye mɔ amuala ziele ɔ ti anu na ɔdwenlenle nwolɛ kpalɛ.

Edwɛkpa ne kɛmɔ Luku hɛlɛle la 2:39

Mɔɔ bɛwiele debie biala yɛ, kɛmɔ Awulae Mɛla ne se la, Mɛle nee Dwosefi ziale rale bɛ sua zo Nazalɛte mɔɔ wɔ Galeli maanzinli nu la.

Edwɛkpa ne kɛmɔ Luku hɛlɛle la 4:16

Gyisɛse akee hɔle Nazalɛte, ɛleka mɔɔ bɛtetele ye la, ɔhɔle nyianu sua ne anu Ɛnwomenlelielɛ Kenle ne, kɛmɔ ɔyɛ ye dahuu la, na ɔdwazole kɛ ɔkenga Nyamenle Edwɛkɛ ne.

Edwɛkpa ne kɛmɔ Luku hɛlɛle la 4:23

Na ɔzele bɛ kɛ, “Meze kɛ bɛbaha bɛahile me kɛ, ‘Ninsinli, ɛdawɔ yɛ ɛ nwo ayile!’ Eza bɛbaha bɛahile me kɛ, ‘Ninyɛne mɔɔ ɛyɛle wɔ Kapɛnayɛm la, yɛde bɛ nganeɛ wɔ ɛke, yemɔti yɛ bie maa yɛnlea.’ ”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.