Edwɛkpa ne kɛmɔ Luku hɛlɛle la 2:41 - BAEBOLO ANZƐƐ BULUKU NWUANZANWUANZA

⁴¹ Ɛvolɛ biala Gyisɛse awovolɛ kɔ Gyɛlusalɛm kɔdi Akpabɛnwo Ɛvoyia ne bie.

Edwɛkpa ne kɛmɔ Luku hɛlɛle la 2:41 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:11

Akee adenle mɔɔ bɛpe nu bɛli la ɛne: bɛhye bɛ adɛladeɛ ne mɔ azo, bɛwula bɛ mgbɔlaboa ne mɔ, na bɛva bɛ agbɔma ne mɔ bɛlɛ bɛ sa nu, na bɛli ye ndɛndɛ. Ɔle Ɛdɛnkɛma Akpabɛnwo Ɛvoyia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:14

Kenle zɔhane bayɛ ngakyelɛ kenle amaa bɛ, na bɛbazie ye kɛ Ɛdɛnkɛma Ɛvoyia kenle. Awolɛndoazo kɔsɔɔti bazie kenle ne na bɛali ɛvoyia ne.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:23

“Ɛvolɛ biala bɛ mrenya ne mɔ kɔsɔɔti ɛrazonle medame Ɛdɛnkɛma Nyamenle, Yizilayɛ Nyamenle ne fane nsa.

Sɛlɛ 23:5

“Siane ne mɔɔ lumua ɛvolɛ ne anu la, ye kenle ne mɔɔ tɔ zolɛ bulu nee nna la nɔsolɛ nu, le Ɛdɛnkɛma Akpabɛnwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:16

“Siane ne mɔɔ lumua la, ye kenle bulu nee nna ne le Ɛdɛnkɛma Akpabɛnwo Ɛvoyia.

Edwɛkpa ne kɛmɔ Luku hɛlɛle la 2:42

Mɔɔ Gyisɛse lile ɛvolɛ bulu nee nwiɔ la, bɛhɔle Gyɛlusalɛm kɛ bɛkali ɛvoyia ne.

Dw 11:55

Dwuuma Akpabɛnwo Ɛvoyia ne ɛbikye, na menli dɔɔnwo vi namunamu ne mɔ azo ɛra Gyɛlusalɛm kɛ bɛbanlua bɛ nwo kolaa na ɛvoyia ne adwu.

Dw 13:1

Gyisɛse nwunle kɛ akee mekɛ ɛdwu mɔɔ ɔwɔ kɛ ɔfi ewiade ɛhye anu na ɔkɔ Selɛ ne anwo lɔ a. Mekɛ ne anu ɛnee aleɛ kye a bɛkɛli Akpabɛnwo Ɛvoyia ne. Yehulo bɛdabɛ mɔɔ bɛle ye ɛdeɛ wɔ ewiade ye anu la dahuu, yɛɛ yehulo bɛ yehɔ awieleɛ.

Dw 2:13

Ɛnee Dwuuma Akpabɛnwo Ɛvoyia ne asɛɛ ɛdwu, yemɔti Gyisɛse hɔle Gyɛlusalɛm.

Dw 6:4

Mekɛ ne anu ɛnee Dwuuma Akpabɛnwo Ɛvoyia ne ɛbikye.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:18

Saa bɛdi a, ɔwɔ kɛ bɛbadi ye wɔ Ɛdɛnkɛma bɛ Nyamenle ne anyunlu, wɔ ɛleka mɔɔ ɔdaye ɔkɛhile la. Ɔwɔ kɛ bɛ nee bɛ mra mrenya nee mraalɛ, bɛ sonvolɛ mrenya nee mraalɛ nee Livaema mɔɔ wɔ bɛ azua zo la a badi a, na bɛmaa bɛ nye die wɔ Ɛdɛnkɛma bɛ Nyamenle ne anyunlu, wɔ debie biala mɔɔ bɛyɛ la anu.

Mɛla 16:16

“Ɔwɔ kɛ mrenya mɔɔ wɔ maanle ne anu la amuala yia nuhua fane nsa wɔ Ɛdɛnkɛma bɛ Nyamenle ne anyunlu, wɔ ɛleka ne mɔɔ ɔkɛhile la. Ayia fane nsa ne a le Angye (Akpabɛnwo) Ɛvoyia ne, Bɛyɔba Ɛvoyia ne, yɛɛ Kpɔda Bo Ɛdɛnlanlɛ Ɛvoyia ne. Bɛlɛba biala a ɔnle kɛ bɛdɛ bɛ sa mgbane bɛba.

1 Sam 1:21

Eza mekɛ ne dwule kɛ ɔwɔ kɛ Ɛlekana nee ye sua nu amra kɔ Hyaelo kɔbɔ bɛ ɛvolɛ azu ne na ɔtua ye ɛwɔkɛbɔlɛ ɔmaa Ɛdɛnkɛma.

1 Sam 1:3

Ɛvolɛ biala Ɛlekana vi Releema kɔ Hyaelo. Ɛkɛ ne a sɛlɛvolɛ Yilae amra mrenya nwiɔ ne, Hɔfenae nee Fenɛhaze yɛ bɛ sɛlɛvolɛ gyima ne a. Ɛlekana kɔ ɛkɛ ne ɛvolɛ biala kɔsonle na ɔbɔ azu ɔmaa Tumivolɛ Ɛdɛnkɛma.