Edwɛkpa ne kɛmɔ Luku hɛlɛle la 2:40 - BAEBOLO ANZƐƐ BULUKU NWUANZANWUANZA

⁴⁰ Kakula ne nyinle na ɔ nwo yɛle se; nrɛlɛbɛ yile ye tɛkɛɛ, na Nyamenle yilale ye dɔɔnwo.

Edwɛkpa ne kɛmɔ Luku hɛlɛle la 2:40 ပူးပေါင်းရင်းမြစ်များ

Edwɛndolɛ Buluku ne 22:9

Noko akee wɔmɔ yɛɛ ɛyele me ɛvile ɔmɔ akunlu a; ɛnleanle me gyɛlɛɛnye wɔ ɔmɔ anyɛfo abo.

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Edwɛkpa ne kɛmɔ Luku hɛlɛle la 1:80

Na kakula ne nyinle na ɔyɛle se wɔ sunsum nu. Ɔdɛnlanle fienemgbole ne anu toonwo ɔhɔkpulale kenle mɔɔ ɔyele ɔ nwo ɔhilele Yizilayɛma wɔ bagua nu la.

Edwɛkpa ne kɛmɔ Luku hɛlɛle la 2:47

Nrɛlɛbɛ mɔɔ wɔ ye nyelebɛnloa nee ye ndelebɛbo nu la zinle bɛdabɛ mɔɔ ɛnee bɛlɛtie ye la anwo.

Edwɛkpa ne kɛmɔ Luku hɛlɛle la 2:52

Na Gyisɛse nyinle nwonane nu nee nrɛlɛbɛ nu, na ɔnyianle ɔ nyunlu wɔ Nyamenle nee menli nyunlu.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Ɛzoanvolɛma Gyima ne 4:33

Na ɛzoanvolɛma ne vale tumi kpole lile Awulae Gyisɛse ewudwazo ne anwo daselɛ, na Nyamenle lole bɛ nyilalɛ dɔɔnwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

Maanlebuvolɛma Buluku ne 13:24

Raalɛ ne wole ralɛ nrenya na bɛdonle ye Samesɛn. Kakula ne nyinle, na Ɛdɛnkɛma yilale ye.

1 Sam 2:18

Kakula nrenya Samoɛle wulale “Lenen” ɛzonlenlɛ tɛladeɛ aguzo.

1 Sam 2:21

Ɛdɛnkɛma lole Hana manle ɔnyianle mralɛ mrenya nsa bieko nee mralɛ mraalɛ nwiɔ. Kakula Samoɛle kawie nyi la ɛnee yebe Ɛdɛnkɛma ɛzonlenlɛ nu.

1 Sam 2:26

Kakula Samoɛle ɛdeɛ, ɔnyinle na ɔzɔle Ɛdɛnkɛma nee menli anye.

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.