Edwɛkpa ne kɛmɔ Luku hɛlɛle la 2:4 - BAEBOLO ANZƐƐ BULUKU NWUANZANWUANZA

⁴ Dwosefi vi Nazalɛte mɔɔ wɔ Galeli maanzinli nu la hɔle Belemgbunli Devidi sua zo Bɛtelɛhɛm mɔɔ wɔ Dwudiya maanzinli nu la. Ɔhɔle ɛkɛ ne, ɔluakɛ ɔvi Devidi abusua nu.

Edwɛkpa ne kɛmɔ Luku hɛlɛle la 2:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:19

Yemɔti Relahyɛle wule na bɛziele ye wɔ Yifelate adevinli ne. Ɛkɛ ne a ɛnɛ bɛfɛlɛ ye Bɛtelɛhɛm la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:7

Ɔluakɛ mevi Peedan mendule me bo la yɛɛ Relahyɛle wule nyane nyane wɔ Keena adenle ne anu, mɔɔ ɛnee ɔka ekyii yɛdwu Yifelate la; ɔmanle menziele ye Yifelate adevinli ne.” (Yifelate a eza bɛfɛlɛ ye Bɛtelɛhɛm la.)

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Edwɛkpa ne kɛmɔ Mateyu hɛlɛle la 1:20

Na mekɛ mɔɔ ɛnee Dwosefi ɛlɛdwenledwenle ɛhye anwo la, Awulae soanvolɛ yele ɔ nwo hilele ye wɔ ɛlalɛ nu na ɔzele ye kɛ, “Dwosefi, Devidi alɔnra, mmasulo kɛ ɛkɛva Mɛle ɛkɛyɛ ɛ ye, ɔluakɛ ɔlua Sunsum Nwuanzanwuanza ne anwo zo a yenrenzɛ a.

Edwɛkpa ne kɛmɔ Mateyu hɛlɛle la 2:23

na ɔhɔdɛnlanle sua ne mɔɔ bɛfɛlɛ ye Nazalɛte la azo. Ɛhye manle mɔɔ Nyamenle luale ye kpɔmanvolɛma ne mɔ anwo zo hanle la yɛle nɔhalɛ kɛ, “Bɛbavɛlɛ ye Nazalɛtenli.”

Edwɛkpa ne kɛmɔ Luku hɛlɛle la 2:3

Na awie biala hɔle ɔ nzi kɛ ɔkɔ yeamaa bɛadia ye wɔ ɔdaye ye abusua sua zo.

Edwɛkpa ne kɛmɔ Luku hɛlɛle la 2:5

Ɔhɔle kɛ ɔkɔ yeamaa bɛadia ye nee Mɛle, mɔɔ ɛnee yeyia ye la. Mekɛ ne anu ɛnee Mɛle ɛva ɛkolɛ,

Edwɛkpa ne kɛmɔ Luku hɛlɛle la 4:16

Gyisɛse akee hɔle Nazalɛte, ɛleka mɔɔ bɛtetele ye la, ɔhɔle nyianu sua ne anu Ɛnwomenlelielɛ Kenle ne, kɛmɔ ɔyɛ ye dahuu la, na ɔdwazole kɛ ɔkenga Nyamenle Edwɛkɛ ne.

Dw 1:46

Natanayɛle bizale ye kɛ, “Asoo debie kpalɛ bie kola fi Nazalɛte finde?” Felepe buale kɛ, “Bɛla banlea.”

Dw 7:42

Nyamenle Edwɛkɛ ne se Mɛzaya ne bayɛ Belemgbunli Devidi dehelɛ, yɛɛ bɛbawo ye wɔ Bɛtelɛhɛm, ɛleka mɔɔ Devidi dɛnlanle la.”

Wulu 1:19

Yemɔti bɛ mu nwiɔ bɛzile nuhua na bɛrale Bɛtelɛhɛm. Na mɔɔ bɛradwule la sua ne azo kpudwule, na mraalɛ ne mɔ zele kɛ, “Nawome ɛhye ɔ?”

Wulu 2:4

Bowaze vi Bɛtelɛhɛm rale na ɔrayɛle ye gyimayɛvoma ne mo ɔzele kɛ, “Ɛdɛnkɛma nee bɛ ɛdɛnla.” Bɛliele zolɛ kɛ, “Ɛdɛnkɛma ɛyila wɔ.”

Wulu 4:11

Na bɛdabɛ mɔɔ bɛyiale ɛkɛ ne la amuala nee mgbanyima ne mɔ hanle kɛ, “Ɛhɛe, yɛdi nwolɛ daselɛ. Yɛsɛlɛ kɛ Ɛdɛnkɛma ɛmaa raalɛ ne mɔɔ ɛlɛba wɔ sua nu la ɛyɛ kɛ Relahyɛle nee Liya mɔɔ bɛ kunlu mralɛ a kyekyele Yizilayɛ maanle ye la. Nyamenle ɛmaa ɛkpazi wɔ Ɛfelate na ɛyɛ mandimase wɔ Bɛtelɛhɛm ɛke.

Wulu 4:17

Mraalɛ mɔɔ wɔ kpalɛ ne azo la noko hanle hilele menli kɛ, “Bɛwo ralɛ nrenya bɛmaa Nawome.” Bɛdonle kakula ne Obɛde. Obɛde wole Gyɛsi mɔɔ wole Belemgbunli Devidi la.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”

1 Sam 17:12

Devidi ɔ ze a le Gyɛsi. Gyɛsi bɔ Yifelaem abusua ekpunli ne bie yɛɛ ɔvi Bɛtelɛhɛm mɔɔ wɔ Dwuda la. Ɔlɛ mralɛ mrenya mɔtwɛ. Mekɛ mɔɔ Sɔɔlo di ye belemgbunli ne la, ɛnee Gyɛsi akee ɛyɛ kpanyinli.

1 Sam 17:58

Na Sɔɔlo bizale ye kɛ, “Kpavolɛ, ɛ ze a le nwane?” Devidi buale ye kɛ, “Wɔ sonvolɛ nrenya Gyɛsi mɔɔ vi Bɛtelɛhɛm la ara nrenya a le me.”

1 Sam 20:6

Saa wɔ papa nwu kɛ meamba na ɔbiza me bo zo a, ka kile ye kɛ, ‘Devidi zɛlɛle me adenle kɛ ɔbɔ hwii yeahɔ ye sua zo Bɛtelɛhɛm,’ ɔluakɛ ye abusua ne ɛlɛbɔ bɛ ɛvolɛ abusua azu ne.