Edwɛkpa ne kɛmɔ Luku hɛlɛle la 2:36 - BAEBOLO ANZƐƐ BULUKU NWUANZANWUANZA

^36-37 Nyamenle kpɔmanvolɛ raalɛ bie noko wɔ ɛkɛ ne, bɛfɛlɛ ye Ana. Raalɛ ɛhye, bɛfɛlɛ ɔ ze Fanuwɛle, ɔvi Ahya abusua nu. Raalɛ ɛhye hɔle agyalɛ la ye ɛvolɛ nsuu ne azo yɛɛ ɔ hu wule a, na kɛkala yeyɛ kpanyinli kpalɛ, na yeyɛ kunlanvolɛ ɛvolɛ abulatwɛ nee nna. Ɔ gyakɛ amkpa Ɛzonlenlɛ Sua ne anu ɛlɛ; dahuu ɔvale ɛhɔnehyelɛ nee nzɛlɛlɛ ɔzonlenle ye Nyamenle nɔɔzo nee ewiazo.

Edwɛkpa ne kɛmɔ Luku hɛlɛle la 2:36 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:13

Na Liya hanle kɛ, “Fɛlɛko ɛyi me! Ɔluakɛ mraalɛ bavɛlɛ me fɛlɛko;” yemɔti ɔdonle ye Ahya.

2 Arl 22:14

Yemɔti sɛlɛvolɛ Helekaya, Ahaekam, Akebɔ, Hyeefan, yɛɛ Asaya hɔle Nyamenle kpɔmanvolɛ raalɛ bie mɔɔ bɛfɛlɛ ye Hɛleda, mɔɔ de Gyɛlusalɛm sua fofolɛ zo la anwo ɛkɛ bɛhɔbizale. (Raalɛ ne ɔ hu a le Tekeva ara Hyalɛm, mɔɔ ɔ nlenya a le Haahase la. Hyalɛm a nea Ɛzonlenlɛ Sua ne anu adɛladeɛ ne mɔ azo a.) Bɛhilehilele mɔɔ ɛzi la anu bɛhilele raalɛ ne,

Dwobu Buluku ne 5:26

Ɛbayɛ nwosonwoso kolaa na wɔawu, kɛmɔ ɛlobɔ dwu na bɛava ma bɛahɔ ma ɛwozolɛ ɛleka la.

Edwɛndolɛ Buluku ne 92:14

Bɛyɛ mrelera bɔbɔ a, bɛso ma, dahuu bɛle duhuduhu yɛɛ nzule wɔ bɛ nu,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:20

Na Nyamenle kpɔmanvolɛ raalɛ Meleam, Aalɔn adiema raalɛ ne vale akɛya, na mraalɛ ne mɔ kɔsɔɔti doale ye, wozole akɛya, zile agole.

Yizikeɛle Buluku ne 13:17

Ɛdɛnkɛma zele kɛ, “Sonla ra, akee nea mraalɛ mɔɔ wɔ wɔ menli ne avinli, na bɛbɔ bɛ ti anu bɛka Nyamenle nrɛlaleɛ la. Ka nrɛlaleɛ ɛhye kile bɛ na se bɛ kɛ,

Edwɛkpa ne kɛmɔ Luku hɛlɛle la 2:35

noko ɔlua ɔ nwo zo, menli dɔɔnwo awozinli nu adwenle kpɔkɛ biala mɔɔ bɛkɛbɔ la bala ali wienyi. Na ɛhye anwo nyane bayɛ kɛ dadeɛ mɔɔ yɛ nla la awɔ wɔ ahonle ne anu.”

Edwɛkpa ne kɛmɔ Luku hɛlɛle la 2:38

Ɔdaye noko ɔrale Ɛzonlenlɛ Sua ne anu dɔnehwele ne ala anu ɔrayɛle Awulae mo na ɔhanle kakula ne anwo edwɛkɛ ɔhilele bɛdabɛ mɔɔ bɛ nye la kɛ Nyamenle barakpɔne Gyɛlusalɛm la.

Ɛzoanvolɛma Gyima ne 2:18

Ɛhɛe, mebamaa me Sunsum ne ara me ngɛkɛlɛ mrenya nee mraalɛ anwo zo, na bɛaha Nyamenle nrɛlaleɛ ne.

Ɛzoanvolɛma Gyima ne 21:9

Ɔlɛ mralɛ mraalɛ nna mɔɔ ɛtɛkɔle agyalɛ ɛlɛ la wɔ ɛkɛ, bɛle Nyamenle kpɔmanvolɛma.

1 Kɔl 11:5

Raalɛ biala noko mɔɔ ɛlɛyɛ nzɛlɛlɛ anzɛɛ ɛlɛka Nyamenle edwɛkɛ na yeangeda ɔ ti zo la gua ɔ hu anyunlu aze; ngakyile biala ɛnle ye nee raalɛ mɔɔ bɛkpa ɔ ti la avinli.

1 Kɔl 12:1

Me mediema, mekpondɛ kɛ bɛnwu nɔhalɛ ne mɔɔ fane Sunsum Nwuanzanwuanza ne ahyɛlɛdeɛ ne mɔ mɔɔ bɛhɛlɛle me nwolɛ la anwo.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 5:9

Mmakɛlɛ kunlanvolɛ biala duma ɛboka ahunlanvolɛ ne mɔ anwo kyesɛ yeli ɛvolɛ abulasia nee ɔ nzi, na eza ɔhɔle agyalɛ ko ala,

Dwɔhyua Buluku ne 19:24

Azɛlɛ ne mɔɔ tɔ zolɛ nnu la hɔle Ahya abusua ekpunli ne ɛkɛ.

Maanlebuvolɛma Buluku ne 4:4

Mekɛ ne anu ɛnee Nyamenle kpɔmanvolɛ raalɛ bie mɔɔ bɛfɛlɛ ye Dɛbola mɔɔ ɔ hu bɛfɛlɛ ye Lapedo la a le Yizilayɛma ndɛnebuavolɛ a.

1 Sam 1:2

Ɛlekana gyale mraalɛ nwiɔ. Bɛfɛlɛ ko Hana yɛɛ bɛfɛlɛ ko Pɛnena. Pɛnena bɔle ɛdane na Hana anwo ralɛ.