Edwɛkpa ne kɛmɔ Luku hɛlɛle la 2:32 - BAEBOLO ANZƐƐ BULUKU NWUANZANWUANZA

³² Ɔle wienyi mɔɔ baye wɔ ɛhulolɛdeɛ ne yeahile menli mɔɔ ɛnle Dwuuma la, na yeava anyunlunyia yearɛlɛ wɔ menli Yizilayɛma.”

Edwɛkpa ne kɛmɔ Luku hɛlɛle la 2:32 ပူးပေါင်းရင်းမြစ်များ

Edwɛndolɛ Buluku ne 85:9

Nɔhalɛ, ye ngoanelielɛ ne ɛbikye bɛdabɛ mɔɔ bɛsulo ye la, amaa anyunlunyia aha yɛ maanle ye.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 45:25

Ɛdɛnkɛma ati Yizilayɛma abo zo amra bali konim na bɛ nyunlu ara anyia dahuu.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 49:9

mebaha meahile pilizama kɛ, ‘Bɛraze bɛhɔ’ mebaze menli mɔɔ de awozinli nu la kɛ, ‘Bɛrɛla wienyi nu.’ Bɛbadidi adehane ne mɔ, yɛɛ awoka ne mɔ azo bayɛ bɛ adidileka.

Ayezaya Buluku ne 51:4

“Bɛdie me, me menli, me maanlema, bɛyɛ ɛnzonlɛ bɛdie me, ɔluakɛ mebali mɛla, na me pɛlepɛlelilɛ bayɛ kɛnlaneɛ amaa maanle maanle ne mɔ.

Ayezaya Buluku ne 60:19

“Sɛnzɛne ne ɛnrɛmaa bɛ wienyi bieko wɔ alehyenlɛ nu, Yɛɛ siane ne ɛnrɛmaa bɛ wienyi bieko aledwolɛ nu. Ɛdɛnkɛma ɔdaye mumua ne ɔbayɛ bɛ wienyi mɔɔ ɛnnu ɛlɛ, Na bɛ Nyamenle ne bayɛ bɛ anyunlunyia.

Ayezaya Buluku ne 9:2

Menli ne mɔɔ luale awozinli nu la ɛnwu wienyi kpole bie; bɛdabɛ mɔɔ bɛdɛnlanle awozinli kabii azɛlɛ zo la, wienyi ɛda bɛ nwo zo.

Gyɛlɛmaya Buluku ne 2:11

Maanle biala ɛtɛkakyile ye nyamenle ne mɔ mɔɔ ɛnle nyamenle bɔbɔ la, noko me menli ne ɛva bɛ anyunlunyia ɛlie debie mɔɔ nvasoɛ ɛnle zo la.”

Zɛkalaya Buluku ne 2:5

Mebayɛ kɛ senle bane meabɔ ye mgbɔlɔka meayia, na meadɛnla ɛkɛ ne anyunlunyia nu, medame Ɛdɛnkɛma a mese a.’ ”

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Edwɛkpa ne kɛmɔ Luku hɛlɛle la 2:10

Nyamenle soanvolɛ ne zele bɛ kɛ, “Bɛmmasulo! Melɛ amaneɛ kpalɛ melɛbɛlɛ bɛ, mɔɔ bamaa fɛlɛkolilɛ kpole aha menli kɔsɔɔti a.

Edwɛkpa ne kɛmɔ Luku hɛlɛle la 2:31

mɔɔ ɛvale ɛbɔle menli kɔsɔɔti ɛwɔkɛ la.

Ɛzoanvolɛma Gyima ne 26:23

Ɔwɔ kɛ Mɛzaya ne nwu amaneɛ na ɔyɛ sonla mɔɔ lumua mɔɔ badwazo avi mɔwuamra anu, na yeabɔ wienyi nwo nolo yeahile Dwuuma nee bɛdabɛ mɔɔ bɛnle Dwuuma la amuala.”

Ɛzoanvolɛma Gyima ne 28:28

Akee Pɔɔlo dwulale ye edwɛkɛ ne zɛhae, “Yemɔti bɛnwu ye kɛ bɛlɛ Nyamenle ngoanelielɛ nwo nrɛlaleɛ ne bɛkamaa bɛdabɛ mɔɔ bɛnle Dwuuma la, na bɛbadie!” [

1 Kɔl 1:31

Ɛhye ati, kɛmɔ Nyamenle Edwɛkɛ ne se la, “Awie biala mɔɔ kpondɛ kɛ ɔmemaa ɔ nwo zo la ɛva mɔɔ Awulae ɛyɛ la ɛmemaa ɔ nwo zo.”

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.