Edwɛkpa ne kɛmɔ Luku hɛlɛle la 2:20 - BAEBOLO ANZƐƐ BULUKU NWUANZANWUANZA

²⁰ Mboaneneavolɛma ne ziale hɔle, bɛdole edwɛne bɛyele Nyamenle ayɛlɛ wɔ mɔɔ bɛde nee mɔɔ bɛnwu ye la anwo; mɔɔ bɛnwunle ye la amgba le kɛ mɔɔ Nyamenle soanvolɛ ne hanle hilele bɛ ala la.

Edwɛkpa ne kɛmɔ Luku hɛlɛle la 2:20 ပူးပေါင်းရင်းမြစ်များ

Edwɛndolɛ Buluku ne 106:48

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi tete kɔdwu mekɛ mɔɔ ɛnlɛ awieleɛ. Na menli ne amuala ɛha kɛ “Amen!” Bɛye Ɛdɛnkɛma ayɛlɛ!

Edwɛndolɛ Buluku ne 107:15

Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ ye nwanwane gyima mɔɔ ɔdi ɔmaa menli la ati.

Edwɛndolɛ Buluku ne 107:21

Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ ye nwanwane gyima mɔɔ ɔlile ɔmanle menli ne la ati.

Edwɛndolɛ Buluku ne 107:8

Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ nwanwane gyima mɔɔ ɔdi ɔmaa menli la ati.

Ayezaya Buluku ne 29:19

Sonla mɔɔ le bɛlɛvo la banyia anyelielɛ fofolɛ bie wɔ Ɛdɛnkɛma ati, na Yizilayɛ Nwuanzanwuanza Ko ne ati, ehyianvolɛma mɔɔ wɔ menli avinli la ali fɛlɛko.

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Maake hɛlɛle la 1:7

Ɔbɔle nolo ɔhilele menli ne kɛ, “Sonla ne mɔɔ li me nzi ɛlɛba la lɛ tumi tɛla me. Menfɛta kɛ menwɔbutu kɛ mesianyi ye mgbɔlaboa zo nyɛma bɔbɔ.

Edwɛkpa ne kɛmɔ Luku hɛlɛle la 18:43

Na ɛkɛ ne ala ɔnwunle debie, na ɔdoale Gyisɛse ɔyele Nyamenle ayɛlɛ. Mɔɔ menli dɔɔnwo ne nwunle ɛhye la, bɛ muala bɛyele Nyamenle ayɛlɛ.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”