Edwɛkpa ne kɛmɔ Luku hɛlɛle la 2:19 - BAEBOLO ANZƐƐ BULUKU NWUANZANWUANZA

¹⁹ Mɛle vale edwɛkɛ ɛhye mɔ amuala ziele ɔ ti anu na ɔdwenlenle nwolɛ kpalɛ.

Edwɛkpa ne kɛmɔ Luku hɛlɛle la 2:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:11

Na akee ɔ mediema mrenya ne mɔ anye bolole ɔ nwo na ɔ ze ɛdeɛ, ɔvale edwɛkɛ ne ɔziele ɔ ti anu.

Edwɛndolɛ Buluku ne 119:11

Meva wɔ edwɛkɛ ne mezie me ahonle nu, amaa meanyɛ ɛtane meantia wɔ.

Mrɛlɛbulɛ Buluku ne 4:4

egya hilehilele me, na ɔzele me kɛ, “Sɔ me nloa edwɛkɛ nu boɛ kpalɛ, di me mɛla zo na wɔanyia ngoane.

Daneɛle Buluku ne 7:28

“Edwɛkɛ ne awieleɛ ɛne. Na mame Daneɛle, ɔmanle ɛzulolɛ hanle me, na me adwenle zɛkyele, noko menvale edwɛkɛ ne menziele me ti anu.”

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Edwɛkpa ne kɛmɔ Luku hɛlɛle la 1:66

Awie biala mɔɔ dele la dwenlenle nwolɛ, ɔluakɛ ɛnee yela ɛkɛ ne wienyi kɛ Awulae tumi ne wɔ kakula ne anwo zo. Yemɔti bɛhanle kɛ, “Nɔhalɛ, kakula ɛhye bayɛ sonlakpole!”

Edwɛkpa ne kɛmɔ Luku hɛlɛle la 2:18

Na ɔyɛle bɛdabɛ mɔɔ bɛdele mɔɔ mboaneneavolɛma ne mɔ hanle la azibɛnwo.

Edwɛkpa ne kɛmɔ Luku hɛlɛle la 2:51

Yemɔti Gyisɛse nee bɛ ziale rale Nazalɛte, na ɔyɛle tieyɛ ɔmanle bɛ. Ɔ nli vale edwɛkɛ ɛhye mɔ amuala ziele ɔ ti akunlu.

1 Sam 21:12

Edwɛkɛ ɛhye gyegyele Devidi adwenle kpole na ɔmanle ɔzulole Belemgbunli Ekehye.