Edwɛkpa ne kɛmɔ Luku hɛlɛle la 2:14 - BAEBOLO ANZƐƐ BULUKU NWUANZANWUANZA

¹⁴ “Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Edwɛkpa ne kɛmɔ Luku hɛlɛle la 2:14 ပူးပေါင်းရင်းမြစ်များ

Ayezaya Buluku ne 44:23

O anwumaneamra, bɛdo edwɛne, ɔluakɛ Ɛdɛnkɛma a ɛyɛ a; O azɛlɛ buma ne mɔ, bɛdea nu; O awoka, bɛdo edwɛne, O kpɔkɛ, nee nuhua mbaka kɔsɔɔti, bɛdo edwɛne! Ɔluakɛ Ɛdɛnkɛma ɛkpɔne Gyekɔbo abo zo amra, na bɛbawula ye anyunlunyia wɔ Yizilayɛ.

Ayezaya Buluku ne 49:13

Anwuma amra, bɛva anyelielɛ bɛdo edwɛne, O azɛlɛ ye azo amra, bɛli wulupe; O awoka, bɛdo edwɛne! Ɔluakɛ Ɛdɛnkɛma ɛkyekye ye menli ne arɛle, na ɔbanwu ye menli ne mɔɔ ɛlɛdi nyane la anwunvɔne.

Ayezaya Buluku ne 57:19

Anzonudwolɛ, anzonudwolɛ ɛha bɛdabɛ mɔɔ bɛwɔ moa moa nee bɛdabɛ mɔɔ bɛbikye la, medame Ɛdɛnkɛma a mese a; yɛɛ mebayɛ bɛ ayile.

Maeka Buluku ne 5:5

Na ɛhye bava anzonudwolɛ ara. Saa Aseleama fa konle batoa yɛ wɔ yɛ maanle ye anu na bɛfa bɛ gyakɛ bɛtia yɛ azɛlɛ ye azo a, yɛbava mboaneneavolɛma kɛyɛ nsuu nee mgbanyima kɛyɛ mɔtwɛ a yɛaho yɛatia bɛ a.

Edwɛkpa ne kɛmɔ Mateyu hɛlɛle la 21:9

Na menli dɔɔnwo ne mɔɔ li ɔ nyunlu nee ɔ nzi la deɛdeanle nuhua kɛ, “Ayɛlɛyelɛ ɛha Devidi Ara ne! Nyamenle ɛyila mɔɔ lua Awulae duma nu ɛlɛba la! Bɛye Nyamenle ayɛlɛ!”

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Edwɛkpa ne kɛmɔ Luku hɛlɛle la 19:38

na bɛzele kɛ, “Nyamenle ɛyila belemgbunli ne mɔɔ lua Awulae duma nu ɛlɛba la! Anzonudwolɛ wɔ anwuma na anyunlunyia ɛha Nyamenle!”

Edwɛkpa ne kɛmɔ Luku hɛlɛle la 2:13

Arɛlevilɛ nu ala anwuma soanvolɛma dɔɔnwo rabokale Nyamenle soanvolɛ ko ne anwo na bɛdole edwɛne bɛyele Nyamenle ayɛlɛ kɛ:

Edwɛkpa ne kɛmɔ Luku hɛlɛle la 2:15

Mɔɔ Nyamenle soanvolɛma ne vi bɛ nwo ɛkɛ ne ziale hɔle anwuma la, mboaneneavolɛma ne hanle hilele bɛ nwo kɛ, “Bɛmaa yɛhɔ Bɛtelɛhɛm yɛhɔnlea mɔɔ ɛzi, mɔɔ Awulae ɛraha ɛhile yɛ la.”

Edwɛkpa ne kɛmɔ Luku hɛlɛle la 3:22

na Sunsum Nwuanzanwuanza ne le kɛ abubule la dwule ɔ nwo zo. Ɛnelɛ bie vi anwuma zele kɛ, “Wɔmɔ a ɛle me Ra mɔɔ mekulo wɔ kpalɛ a. Me nye die ɛ nwo kpole.”

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Dw 17:4

Mehile wɔ anyunlunyia ne wɔ azɛlɛ ye azo; mewie gyima mɔɔ ɛvale ɛmanle me la di.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4

Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:11

na awie biala aha ye baguase kɛ, Gyisɛse Kelaese le Awulae, bɛava bɛawula Nyamenle Selɛ ne anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Kɔlɔ 1:20

Ɛhye ati, ɔlua Ralɛ ne anwo zo, Nyamenle ɛbɔ kpɔkɛ kɛ ɔdie aleɛabo ninyɛne kɔsɔɔti mɔɔ wɔ anwuma nee aze la yeamaa ɔ nwo na yealua ɔ Ra ne ewule mɔɔ ɔwule meanubaka ne azo la azo ɔ nee bɛ ayɛ ko.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

Yekile 5:13

Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”