Edwɛkpa ne kɛmɔ Luku hɛlɛle la 2:13 - BAEBOLO ANZƐƐ BULUKU NWUANZANWUANZA

¹³ Arɛlevilɛ nu ala anwuma soanvolɛma dɔɔnwo rabokale Nyamenle soanvolɛ ko ne anwo na bɛdole edwɛne bɛyele Nyamenle ayɛlɛ kɛ:

Edwɛkpa ne kɛmɔ Luku hɛlɛle la 2:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:12

Nɔe ne ɔka ɛlalɛ la, ɛnee kpolike gyi azɛlɛ ye azo na ɔ ti kpula Nyamenle ne ako abo lɔ, na Nyamenle soanvolɛma ɛlɛdi fodwu.

1 Arl 22:19

Maekaya buale kɛ, “Zɔhane ati bɛdie mɔɔ Ɛdɛnkɛma se la. Menwu kɛ Ɛdɛnkɛma de ye ebia nu na anwuma soanvolɛma ɛbɔ ɛyia ye; bɛgua ye bɛne nee fema,

Dwobu Buluku ne 38:7

Kenle ko ne aleɛbahye nwɔlɔra bɔle nu dole edwɛne, na Nyamenle amra kɔsɔɔti vale fɛlɛkolilɛ deɛdeanle nu.

Edwɛndolɛ Buluku ne 148:2

Nyamenle soanvolɛma, bɛye ye ayɛlɛ! Nyamenle ɛlɔnema, bɛye ye ayɛlɛ!

Edwɛndolɛ Buluku ne 68:17

Ɔvale konle ehwili dɔɔnwo, apenle bulu mɔnwo, apenle apenle kɛyɛ nyɛ, Awulae vi Saenae rale ɛleka nwuanzanwuanza ne.

Yizikeɛle Buluku ne 3:12

Akee Nyamenle Sunsum ne manle me zo, na mɔɔ Ɛdɛnkɛma anyunlunyia ne ɛlɛkpogya ɔ nwo zo avi ɔ bo zo ne la, mendele azɛlɛkpusulɛ ɛnelɛ kpole bie wɔ me nzi nehane.

Daneɛle Buluku ne 7:10

Senle mɔɔ se kɛ azule la vi ebia ne anu finde. Menli apenle apenle zonlenle ye, yɛɛ menli apenle bulu mɔnwo apenle bulu gyigyi ɔ nyunlu ɛkɛ. Akee bɛdɛnlanle aze kɛ bɛdi edwɛkɛ na bɛbukebukele mbuluku ne mɔ anu.

Edwɛkpa ne kɛmɔ Luku hɛlɛle la 15:10

Meka meahile bɛ kɛ, zɔhane ala yɛɛ Nyamenle soanvolɛma di fɛlɛko wɔ ɛtanenli ko mɔɔ kɛnlu ɔ nwo la anwo a.”

Edwɛkpa ne kɛmɔ Luku hɛlɛle la 2:12

Bɛlua sɛkɛlɛneɛ ɛhye azo a bɛbanwu ye a: bɛbanwu kɛ bɛva avuazinli bɛkyekye adɔma ne anwo na bɛva ye bɛdo mboane adidi ɛlɛka nu.”

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:10

amaa mekɛ ɛhye anu ala ɔlua Asɔne ne azo anwuma tumivolɛma nee mgbolema anwu Nyamenle nrɛlɛbɛ kpole ne.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

Yekile 5:11

Mendole me nye bieko, na mendele Nyamenle soanvolɛma apenle apenle nee mgbe mgbe ane. Bɛbɔle bɛyiale belemgbunli ebia kpole ne, tease abɔdeɛ nna ne nee mgbanyima ne mɔ,