Edwɛkpa ne kɛmɔ Luku hɛlɛle la 18:7 - BAEBOLO ANZƐƐ BULUKU NWUANZANWUANZA

⁷ Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Edwɛkpa ne kɛmɔ Luku hɛlɛle la 18:7 ပူးပေါင်းရင်းမြစ်များ

Edwɛndolɛ Buluku ne 88:1

O Ɛdɛnkɛma, me Nyamenle, alehyenlɛ nu mefɛlɛ wɔ kɛ ɛboa me; aledwolɛ nu noko mesu mefɛlɛ wɔ.

Edwɛndolɛ Buluku ne 9:8

Ɔfa pɛlepɛlelilɛ ɔbua ewiade amra ndɛne; ɔbua menli ne ndɛne pɛlepɛle nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:23

Saa bɛkile bɛ nyane na bɛsu bɛfɛlɛ me a, nɔhalɛ, mebadie bɛ ɛzunlɛ ne;

Ayezaya Buluku ne 40:27

Yizilayɛ, duzu ati a ɛtendɛ ɛka kɛ, “Ɛdɛnkɛma ɛnze me adenle ne mɔɔ melua nu la, bɛsisi me a ɔnvane me Nyamenle ne anwo” ɛ?

Habakɛke Buluku ne 2:3

Ɔluakɛ mekɛ ɛtɛdwule mɔɔ ɛnyelɛzodeɛnwunlɛ ne yɛ zɔhane a, noko mekɛ ne ɛlɛbikye, ɔnrɛyɛ adalɛ edwɛkɛ. Saa ɔkyɛ a kendɛ, ɔluakɛ nɔhalɛ nu, ɔbara, ɔnrɛhyɛ fee.

Edwɛkpa ne kɛmɔ Mateyu hɛlɛle la 24:22

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, saa tɛ ye zɔhane a anrɛɛ sonla ko bɔbɔ ɛnrɛha.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 7:11

Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Edwɛkpa ne kɛmɔ Luku hɛlɛle la 21:28

Mɔɔ ninyɛne ɛhye mɔ kɛbɔ ɔ bo kɛ bɛsisi la, anrɛɛ bɛmaa bɛ nye zo bɛnlea maanle nu, ɔboalekɛ ɛnee bɛ ngoanelielɛ ne ɛbikye.”

Wulo 8:33

Nwane a kɛhola kɛdo Nyamenle menli ne mɔɔ yekpa nu yeye bɛ la ɛzonle a? Nyamenle ɔdaye yebua bɛ benle!

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tɛs 3:10

Alehyenlɛ nee aledwolɛ kɔsɔɔti yɛfa yɛ ahonle muala yɛsɛlɛ kɛ yɛkɛnwu bɛ nyunlu na mɔɔ bɛhyia nwo wɔ bɛ diedi nu la yɛayɛ yɛamaa bɛ.

2 Tɛs 1:6

Ɛhye ati Nyamenle badua menli mɔɔ ɛlɛmaa bɛanwu nyane la amuala kakɛ,

1 Tem 5:5

Kunlanvolɛ mɔɔ ɛnlɛ awie ɛnnea ye la, ɛva ɔ nye ɛdo Nyamenle anwo zo, na ɔhɔ zolɛ ɔbodo ɔzɛlɛ na ɔbiza moalɛ aledwolɛ nee alehyenlɛ.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

1 Pit 1:1

Kɛlata ɛhye vi medame Pita, mɔɔ mele Gyisɛse Kelaese ɛzoanvolɛ la ɛkɛ. Melɛ mekamaa Nyamenle menli ne mɔɔ yekpa nu yeye bɛ na bɛha maanɔne wɔ Pɔntɛse, Galeehyea, Kapɛdosea, Ehyea, yɛɛ Baetenea maanzinli ne mɔ anu la amuala.

2 Pit 3:9

Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”

Yekile 7:15

Ɛhye ati yɛɛ bɛgyigyi Nyamenle belemgbunli ebia kpole ne anwo na bɛsonle ye alehyenlɛ nee aledwolɛ wɔ ɔdaye ye Ɛzonlenlɛ Sua ne anu a. Mɔɔ de belemgbunli ebia kpole ne azo la banlea bɛ nwo zo.