Edwɛkpa ne kɛmɔ Luku hɛlɛle la 18:32 - BAEBOLO ANZƐƐ BULUKU NWUANZANWUANZA

³² Bɛbaye me bɛawula menli mɔɔ ɛnle Dwuuma la asa anu, na bɛbazi me amgbu, bɛayɛ me aholoba na bɛatoto nyɛlɛ me nyunlu.

Edwɛkpa ne kɛmɔ Luku hɛlɛle la 18:32 ပူးပေါင်းရင်းမြစ်များ

Ayezaya Buluku ne 50:6

Mengakyile me nzi memanle menli mɔɔ bo me la, menvale me kɛsa memanle bɛdabɛ mɔɔ bɛdudule me kɛsa la; mɔɔ bɛtoto me nyunlu nyɛlɛ, bɛgua me nyunlu aze la, meanva me nyunlu meanvea.

Ayezaya Buluku ne 52:14

Ɔyɛle bɛdabɛ dɔɔnwo mɔɔ bɛnwunle ye la azibɛnwo, ɔhakyile bɔkɔɔ mɔɔ ɛnee ɔnzɔho sonla a, yeanzɔho sonla bɔbɔ.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Maeka Buluku ne 5:1

Gyɛlusalɛm ɛlɔnema, bɛbɛza, na ɛlɔnema ɛbɛnra ɛyia yɛ. Bɛbava baka bɛabɔ Yizilayɛ belemgbunli ne anzo nu.

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 20:19

na bɛava me bɛawula menli mɔɔ ɛnle Dwuuma la asa anu. Bɛdabɛ noko bɛbazi me amgbu, bɛabila me empele, na bɛabɔ me meanubaka nu bɛahu me; na ye kenle nsa ne azo bɛbadwazo me bɛara ngoane nu.”

Edwɛkpa ne kɛmɔ Mateyu hɛlɛle la 22:6

bɛdabɛ mɔɔ bɛhale la, bɛhyele sonvolɛma ne mɔ bɛzale bɛ na bɛhunle bɛ.

Edwɛkpa ne kɛmɔ Mateyu hɛlɛle la 26:67

Akee bɛtotole nyɛlɛ ɔ nyunlu na bɛbole ye; menli ne bie mɔ pepɛle ɔ nye zo

Edwɛkpa ne kɛmɔ Mateyu hɛlɛle la 27:2

Bɛguale ye anga na bɛvale ye bɛhɔmanle Paelɛte mɔɔ le Wulomu amɛnlado ne.

Edwɛkpa ne kɛmɔ Maake hɛlɛle la 14:65

Sinzavolɛma ne mɔ bobɔle ɔ nzo nu. Bie mɔ totole nyɛlɛ ɔ nyunlu, bɛkyekyele ɔ nye, bɛwulowulale ye ahutuku na bɛbizale ye kɛ, “Nwane a bɔle wɔ a?”

Edwɛkpa ne kɛmɔ Maake hɛlɛle la 15:1

Nwonlomɔ mangyee ne ala, sɛlɛvolɛ mgbanyinli ne mɔ yiale Dwuu mgbanyima ne, mɛla kilehilevolɛma ne, yɛɛ ayiama ne mɔ amuala na ndɛndɛ ne ala bɛvale adwenle. Bɛguale Gyisɛse nwɔnzɔnwɔnzɔ na bɛvale ye bɛhɔmanle Wulomu Amɛnlado Paelɛte.

Edwɛkpa ne kɛmɔ Luku hɛlɛle la 18:33

Bɛbabila me mbaka na bɛahu me, na ye kenle nsa ne anzi, mebadwazo meara ngoane nu.”

Edwɛkpa ne kɛmɔ Luku hɛlɛle la 23:1

Menli ne amuala dwazole na bɛvale Gyisɛse bɛhɔle Paelɛte anyunlu,

Edwɛkpa ne kɛmɔ Luku hɛlɛle la 23:11

Hɛlɔdo nee ye ɛlɔnema ne noko golole Gyisɛse anwo na bɛzile ye amgbu. Bɛvale tɛladeɛ kɛnlɛma bie mɔɔ arelemgbunli ala a wula la bie bɛwulale ye, na ɔzianenle ye ɔhɔmanle Paelɛte.

Edwɛkpa ne kɛmɔ Luku hɛlɛle la 23:35

Mekɛ mɔɔ menli ne gyi ɛkɛ ne ɛlɛnea la ɛnee Dwuu mgbanyima ne mɔ mɔɔ wɔ bɛ nu la ɛlɛsi ye amgbu kɛ, “Se ɔliele awie mɔ ngoane o; saa yemɔ a ɔle Mɛzaya ne mɔɔ Nyamenle ɛkpa nu ɛye ye la amgba a, bɛmaa ɔlie ɔ nwo ngoane ɔmaa yɛnlea!”

Dw 18:22

Gyisɛse hanle ɛhye la, sinzavolɛma ne mɔ anu ko bɔle ɔ nzo nu na ɔzele ye kɛ, “Ɛ nye ɛnzɔ sonla; ɛtendɛ wɔahile Sɛlɛvolɛ Kpanyinli ne a, anrɛɛ dwenle nwolɛ!”

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.

Dw 18:30

Bɛbuale ye kɛ, “Saa ɔtɛtonle mɛla a anrɛɛ yɛnrɛva ye yɛnrɛrɛlɛ wɔ.”

Dw 18:32

(Ɛhye zile, amaa Gyisɛse edwɛkɛ ne mɔɔ ɔhanle wɔ ye ewule nwo la ayɛ nɔhalɛ.)

Dw 18:35

Paelɛte buale ye kɛ, “Ɛdwenle kɛ mele Dwuunli ɔ? Ɛdawɔ wɔ menli ne nee bɛ sɛlɛvolɛ mgbanyinli yɛɛ ɛva wɔ ɛrɛlɛ me a. Duzu debie a wɔyɛ a?”

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.