Edwɛkpa ne kɛmɔ Luku hɛlɛle la 18:22 - BAEBOLO ANZƐƐ BULUKU NWUANZANWUANZA

²² Gyisɛse dele ɛhye la, ɔzele ye kɛ, “Yeha wɔ debie ko. Tɔne debie biala mɔɔ ɛlɛ la amuala na kyɛ ezukoa ne maa ehyianvolɛma, na ɛkɛnyia anwonyia wɔ Nyamenle anwo lɔ, na akee bɛla badoa me bo zo.”

Edwɛkpa ne kɛmɔ Luku hɛlɛle la 18:22 ပူးပေါင်းရင်းမြစ်များ

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Edwɛkpa ne kɛmɔ Mateyu hɛlɛle la 19:21

Gyisɛse buale ye kɛ, “Saa ɛkpondɛ kɛ ɛdi munli a, ɛnee kɔ na kɔdɔne ninyɛne mɔɔ ɛlɛ la amuala na fa ezukoa ne maa ehyianvolɛma, na ɛkɛnyia anwonyia wɔ anwuma; na akee bɛla bali me nzi.”

Edwɛkpa ne kɛmɔ Luku hɛlɛle la 10:42

Debie ko ala a hyia a, na Mɛle ɛkpa nu ɛva mɔɔ le kpalɛ la, na bɛnrɛlie ye ɔ sa nu ɛlɛ.”

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Edwɛkpa ne kɛmɔ Luku hɛlɛle la 16:9

Na Gyisɛse hɔle zo zele kɛ, “Yemɔti meka meahile bɛ, ezukoa ɛnle kpalɛ ɛdeɛ, noko anrɛɛ bɛva bɛ ezukoa nee bɛ anwonyia bɛdila agɔnwolɛ, amaa saa bɛkpo aze a, bɛalie bɛ wɔ awuke mɔɔ ɛmbɔ ɛlɛ la anu.

Edwɛkpa ne kɛmɔ Luku hɛlɛle la 18:21

Nrenya ne buale kɛ, “Sumunli me nretee ne ala yɛɛ menvale mɛla ɛhye mɔ azo ɛlilɛ a.”

Edwɛkpa ne kɛmɔ Luku hɛlɛle la 18:23

Nrenya ne dele ɛhye la nyane hunle ye kpole, ɔluakɛ ɔle sukoavolɛ kpole.

Edwɛkpa ne kɛmɔ Luku hɛlɛle la 9:23

Na ɔhanle ɔhilele bɛ muala kɛ, “Saa awie kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo kenle biala, na ɔdoa me.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:13

Mediema, nɔhalɛ, menva ye kɛ me sa ɛha ahyɛlɛdeɛ ne; debie ko yɛɛ meyɛ a, na yemɔ a le kɛ me rɛle kɛvi mɔɔ ɛze me nzi la na menwɔbɔ mɔdenle kɛ menwɔdwu mɔɔ wɔ me nyunlu la anwo.

2 Pit 3:8

Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.