Edwɛkpa ne kɛmɔ Luku hɛlɛle la 18:16 - BAEBOLO ANZƐƐ BULUKU NWUANZANWUANZA

¹⁶ Na Gyisɛse vɛlɛle ngakula ne mɔ wɔ ɔ nwo ɛkɛ ne na ɔzele kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, ɔboalekɛ bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Edwɛkpa ne kɛmɔ Luku hɛlɛle la 18:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:4

Ayezeke lile kenle mɔtwɛ la, Ebileham yɛle ye mrenyanu nzonlɛ, kɛmɔ Nyamenle zele ye la.

2 Edk 20:13

Mekɛ ne anu, ɛnee Dwudama amuala nee bɛ mraalɛ nee bɛ mra gyi nzisi wɔ Ɛdɛnkɛma Ɛzonlenlɛ Sua ne anu.

Gyɛlɛmaya Buluku ne 32:39

Mebamaa bɛ adwenle ayɛ ko, bɛ adenle ayɛ ko, amaa bɛazulo me dahuu wɔ bɛdabɛ mumua ne nee bɛ mra mɔɔ li bɛ nzi la kpalɛyɛlɛ ti.

Edwɛkpa ne kɛmɔ Mateyu hɛlɛle la 19:14

Na Gyisɛse zele ɛdoavolɛma ne kɛ, “Bɛmmasi ngakula ne mɔ aze, bɛmaa bɛ adenle bɛmaa bɛrɛla me nwo, na Anwuma Belemgbunlililɛ ne le bɛdabɛ mɔɔ bɛle kɛ ɛhye mɔ zɛhae la ɛdeɛ.”

Edwɛkpa ne kɛmɔ Luku hɛlɛle la 18:15

Menli bie vale bɛ mra rale kɛ Gyisɛse ɛva ɔ sa ɛgua bɛ nwo zo na ɔyila bɛ. Ɛdoavolɛma ne nwunle bɛ la bɛdendɛle bɛ.

Edwɛkpa ne kɛmɔ Luku hɛlɛle la 18:17

Bɛhakye ɛhye, awie biala mɔɔ anyɛ ɔ nwo kɛ kakula anlie Nyamenle Belemgbunlililɛ ne ando nu la ɛnrɛnyia ye.”

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 7:14

Ɔluakɛ diedinli yelɛ ne te kunli ne mɔɔ ɛnlɛ diedi la anwo maa ɔsɔ Nyamenle anye, yɛɛ diedinli nrenya ne te ɔ ye ne mɔɔ ɛnlɛ diedi la anwo maa ɔsɔ Nyamenle anye. Saa yeamba ye zɔhane a bɛ mra ne mɔ anwo ɛnrɛde, na ɔnle zɔ, bɛ nwo te.

Mɛla 29:11

bɛ mra, bɛ ye mɔ, nyɛvolɛ mɔɔ wɔ bɛ avinli ɛke, sonvolɛma mɔɔ soa ɛyɛne nee mɔɔ soa nzule, bɛ kɔsɔɔti bɛra,

Mɛla 31:12

Bɛboɔboa menli ne kɔsɔɔti anloa, mrenya, mraalɛ, ngakula, nee nyɛvolɛ mɔɔ wɔ bɛ azua ne mɔ azo la, amaa bɛade mɛla ne na bɛazulo Ɛdɛnkɛma bɛ Nyamenle ne, na bɛali mɛla ne amuala azo nɔhalɛ nu.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.