Edwɛkpa ne kɛmɔ Luku hɛlɛle la 18:14 - BAEBOLO ANZƐƐ BULUKU NWUANZANWUANZA

¹⁴ Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 18:14 ပူးပေါင်းရင်းမြစ်များ

Dwobu Buluku ne 22:29

Ɔluakɛ Nyamenle bɛlɛ mgbanyizonlema aze, na ɔmaa bɛlɛvoma zo.

Dwobu Buluku ne 25:4

Ɛnee kɛ ɔkɛyɛ na sonla ayɛ tenlenenli wɔ Nyamenle anyunlu ɛ? Anzɛɛ kɛ ɔkɛyɛ na dasanli mɔɔ raalɛ ɛwo ye la anwo ade ɛ?

Dwobu Buluku ne 9:20

Menze nwolɛ bie, medi nɔhalɛ, noko me nloa bua me ewule fɔlɛ; menli fɔlɛ, noko yehile kɛ menle kpalɛ.

Edwɛndolɛ Buluku ne 138:6

Ɔluakɛ Ɛdɛnkɛma wɔ anwuma bɔbɔ ɛdeɛ, noko ɔbu mɔɔ bɛlɛ ɔ nwo aze la, na mɔɔ memaa ɔ nwo zo la ɛmbikye ye.

Edwɛndolɛ Buluku ne 143:2

Mmabua wɔ akɛlɛ ndɛne; ɔluakɛ ɛ nyunlu, awie biala ɛnli benle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:11

Na kɛkala, menwu kɛ Ɛdɛnkɛma le kpole tɛla nyamenle biala, ɔboalekɛ ɔliele menli ne ɔvile Yigyibitima asa anu wɔ mekɛ mɔɔ ɛnee bɛlɛyɛ bɛ mgbane mgbane la.”

Mrɛlɛbulɛ Buluku ne 15:33

Ɛdɛnkɛma ɛzulolɛ le nrɛlɛbɛ ɛzukoalɛ, yɛɛ mɛlɛbɛnwoaze nee enililɛ a lua a.

Mrɛlɛbulɛ Buluku ne 18:12

Sonla mɔɔ memaa ɔ nwo zo la sɛkye ɔ nwo, na mɔɔ bɛlɛ ɔ nwo aze la, bɛdi ye eni.

Mrɛlɛbulɛ Buluku ne 25:7

Ɔle kpalɛ kɛ bɛkɛze wɔ kɛ, “Badɛnla ɛke,” tɛla kɛ bɛkɛye wɔ bɛkɛvi belemgbunli anyunlu bɛkɛhɔ menli mɔɔ anwo ɛngyia la ɛleka.

Mrɛlɛbulɛ Buluku ne 29:23

Sonla mɔɔ tu ɔ nwo la adubɛnwo ne gua ɔ nyunlu aze, na mɔɔ le bɛlɛvo la banyia ɔ nyunlu.

Mrɛlɛbulɛ Buluku ne 3:34

Ɛdɛnkɛma ɛmbu bɛdabɛ mɔɔ bɛmbu debie la bie, na ɔ nye wɔ bɛdabɛ mɔɔ bɛle bɛlɛvo la anwo zo.

Nolo 9:7

Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

Ayezaya Buluku ne 45:25

Ɛdɛnkɛma ati Yizilayɛma abo zo amra bali konim na bɛ nyunlu ara anyia dahuu.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Habakɛke Buluku ne 2:4

Nea, awie biala mɔɔ ɛnle tenlene la bakpo aze, noko tenlenenli ne balua ye diedi zo anyia ngoane.”

Edwɛkpa ne kɛmɔ Mateyu hɛlɛle la 23:12

Awie biala mɔɔ kɛmemaa ɔ nwo zo la, bɛkɛha ye aze, na mɔɔ kɛha ɔ nwo aze la, bɛkɛmaa ye zo.

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Luku hɛlɛle la 1:52

Yemaa katakyiema vi bɛ arelemgbunli mbia zo ɛdu ɛgua, na yekpogya awienvolɛma zo.

Edwɛkpa ne kɛmɔ Luku hɛlɛle la 10:29

Na kɛmɔ mɛla kilehilevolɛ ne kpondɛ kɛ ɔbua ɔ nwo benle la ati, ɔbizale Gyisɛse kɛ, “Na me gɔnwo a le nwane?”

Edwɛkpa ne kɛmɔ Luku hɛlɛle la 14:11

Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 4:5

Na mɔɔ ɛnyɛ gyima na ɔdie Nyamenle ne mɔɔ bua ɛtanevolɛma benle la di la, ye diedi zo yɛɛ Nyamenle nea na ɔmaa ɔsɔ ɔ nye a.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Wulo 8:33

Nwane a kɛhola kɛdo Nyamenle menli ne mɔɔ yekpa nu yeye bɛ la ɛzonle a? Nyamenle ɔdaye yebua bɛ benle!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:16

Noko mɔɔ yɛnwu ye la a le kɛ, tɛ mɛla ne azo ɛlilɛ yɛɛ maa sonla sɔ Nyamenle anye a, kyesɛ yɛdie Gyisɛse Kelaese yɛdi kolaa na yɛazɔ Nyamenle anye. Yɛdayɛ bɔbɔ, yɛliele Kelaese Gyisɛse yɛlile kolaa na Nyamenle alua zolɛ yeamaa yɛazɔ ɔ nye, na tɛ mɛla ne mɔɔ yɛlile zolɛ la ati ɔ. Ɔluakɛ sonla biala mɔɔ di mɛla ne azo la ɛnrɛzɔ Nyamenle anye ɛlɛ.

Gyemise Kɛlata ne 4:10

Bɛbɛlɛ bɛ nwo aze wɔ Awulae anyunlu, na ɔkɛmaa bɛ zo.

Gyemise Kɛlata ne 4:6

Noko Nyamenle ɛlolɛ ne mɔɔ ɔfa ɔmaa la le kpole. Nyamenle Edwɛkɛ ne se, “Nyamenle bɛlɛ mɔɔ le mgbanyizonle la aze, na ɔmaa mɔɔ bɛlɛ ɔ nwo aze la zo.”

1 Sam 1:18

Hana buale kɛ, “Maa wɔ sonvolɛ raalɛ ye ɛzɔ ɛ nye dahuu.” Akee Hana hɔle sua nu, ɔlile debie na ɔgyakyile ɔ nwo alɔbɔlɛ ɛyɛlɛ.