Edwɛkpa ne kɛmɔ Luku hɛlɛle la 18:13 - BAEBOLO ANZƐƐ BULUKU NWUANZANWUANZA

¹³ “Na adwuledievolɛ ne gyinlanle ahane ɛleka bie, yeangulo kɛ ɔkɛkpogya ɔ ti zo bɔbɔ. Ɔvale ɔ sa ɔguale ye ɛbolɛ zo na ɔzele kɛ, ‘O Awulae Nyamenle, nwu me anwunvɔne na mele ɛtanevolɛ!’ ”

Edwɛkpa ne kɛmɔ Luku hɛlɛle la 18:13 ပူးပေါင်းရင်းမြစ်များ

2 Sam 12:13

Devidi zele Neetan kɛ, “Meyɛ ɛtane metia Ɛdɛnkɛma.” Neetan zele Devidi kɛ, “Ɛdɛnkɛma ɛva wɔ ɛtane ɛhyɛ wɔ; ɛnrɛwu.

2 Edk 33:19

Akee belemgbunli ne nzɛlɛlɛ nee kɛ Nyamenle zile diele ye, ye ɛtane ne mɔ mɔɔ ɔyɛle nee ye anzosesebɛ, mɔɔ ɔluale zo ɔsisile ɛleka ne mɔ mɔɔ bɛsonle, nee bozonle raalɛ Ahyela ne ananze mɔɔ ɔyɛle kolaa na nzinlii yeanlu ɔ nwo la, bɛhɛlɛ bɛ kɔsɔɔti wɔ Nyamenle Kpɔmanvolɛma Tetedwɛkɛ Buluku ne anu.

2 Edk 33:23

Yeannu ɔ nwo wɔ Ɛdɛnkɛma anyunlu, kɛmɔ ɔ ze Manasɛ yɛle la. Emɔn yɛle ɛtane molozo.

Ɛzela Buluku ne 9:6

“O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Dwobu Buluku ne 42:6

yemɔti mebɔ anyiemgba na menlu me nwo; mebɔ ndɛtɛlɛ nee nzonle.”

Edwɛndolɛ Buluku ne 106:6

Yɛ nee yɛ nlenya mɔ yɛyɛ ɛtane; yɛyɛ ninyɛndane, yɛyɛ amumuyɛ.

Edwɛndolɛ Buluku ne 119:41

O Ɛdɛnkɛma, maa wɔ ɛhulolɛ kpundii ne ɛdwu me nwo zo, maa wɔ ngoanelielɛ ne ɛrɛla, kɛmɔ wɔ ɛwɔkɛ ne se la,

Edwɛndolɛ Buluku ne 130:7

O Yizilayɛma, bɛmaa bɛ nye ɛla Ɛdɛnkɛma anwo zo! Ɔluakɛ Ɛdɛnkɛma lɛ ɛhulolɛ kpundii, na ɔlɛ ngoanelielɛ dɔɔnwo.

Edwɛndolɛ Buluku ne 25:11

O Ɛdɛnkɛma, wɔ duma ne ati, fa me ɛtane kyɛ me, ɔluakɛ ɔle kpole.

Edwɛndolɛ Buluku ne 25:7

Mmakakye me mgbavolɛ nu ɛtane ne mɔ mɔɔ menyɛle, anzɛɛ me mɛladonlɛ ne mɔ. O Ɛdɛnkɛma, wɔ ɛhulolɛ kpundii ne ati, wɔ ahunlunyele ne ati, kakye me.

Edwɛndolɛ Buluku ne 40:12

Munzule dɔɔnwo, menze bɛ nloa, ɛbɔ ɛyia me; me ɛtane ne mɔ ɛbo me nwo zo, mennwu aze; bɛzonle bɛtɛla me ti enrinli; me nwo ɛgolo me.

Edwɛndolɛ Buluku ne 41:4

Menganle kɛ, “O Ɛdɛnkɛma, nwu me anwunvɔne; meyɛ ɛtane metia wɔ na yɛ me ayile.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:10

Saa menli ne mɔ nwu kɛ amungu mpila ne gyi Ndanlɛ Sua ne anlenkɛ ne anloa a, ɛnee bɛ kɔsɔɔti bɛdwazo bɛgyinlegyinla bɛ nlenkɛ ne mɔ anloa bɛlɛsonle.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Ayezaya Buluku ne 6:5

Na menganle kɛ, “Medame, mebɔ munzule! Meminli, ɔluakɛ mele sonla mɔɔ meka ɛtane, yɛɛ mede menli mɔɔ ka ɛtane la avinli. Noko akee menwu Belemgbunli ne, Tumivolɛ Ɛdɛnkɛma!”

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Daneɛle Buluku ne 9:5

yɛyɛ ɛtane yɛtia wɔ, yɛyɛ mɔɔ bɛnyɛ la. Yɛyɛ amumuyɛ, yɛde atua na yɛhakyi yɛ nzi yɛzi wɔ mɛla ne nee wɔ ngyehyɛlɛ ne mɔ.

Edwɛkpa ne kɛmɔ Mateyu hɛlɛle la 10:3

Felepe nee Baatɔlomiyu; Tɔmase nee Mateyu mɔɔ le adwuledievolɛ ne; Afeɛse ara Gyemise nee Tadease;

Edwɛkpa ne kɛmɔ Mateyu hɛlɛle la 6:5

“Saa bɛyɛ nzɛlɛlɛ a, bɛmmayɛ ye kɛ nabalabama ne mɔ yɛ ye la. Menli zɔhane mɔ kulo kɛ bɛgyinla nyianu azua ne mɔ anu nee mgbata ne mɔ azo bɛyɛ bɛmaa menli kɔsɔɔti nwu bɛ kɛ bɛlɛyɛ nzɛlɛlɛ. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 9:13

Bɛhɔ bɛhɔkpondɛ Nyamenle Edwɛkɛ ɛhye abo: ‘Mekulo anwunvɔnezelɛ, na tɛ nane azubɔlɛ ɔ.’ Meamba menli mɔɔ ɛkpazi la ɛvɛlɛlɛ; membale bɛdabɛ mɔɔ awie ɛmbu bɛ bie la ɛvɛlɛlɛ!”

Edwɛkpa ne kɛmɔ Maake hɛlɛle la 11:25

Na saa bɛgyi bɛlɛsɛlɛ, na awie ɛvo bɛ a, bɛva bɛhyɛ ye na bɛ Ze mɔɔ wɔ anwuma la ava bɛ ɛtane ahyɛ bɛ. [

Edwɛkpa ne kɛmɔ Luku hɛlɛle la 17:12

Na mɔɔ ɔka ekyii ɔdwu namule bie azo la, mrenya bulu mɔɔ le kokobɛvolɛma la yiale ye. Bɛgyinlanle moa moa

Edwɛkpa ne kɛmɔ Luku hɛlɛle la 22:41

Akee ɔvile bɛ nwo ɛkɛ ne ɔhɔle ɔ nyunlu ekyii na ɔhotole ɔzɛlɛle kɛ,

Edwɛkpa ne kɛmɔ Luku hɛlɛle la 23:48

Menli dɔɔnwo ne mɔɔ rale ɛkɛ ne kɛ bɛbanlea bie la nwunle mɔɔ zile la, bɛbɔle bɛ sa ati na bɛziale bɛhɔle.

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Ɛzoanvolɛma Gyima ne 2:37

Mɔɔ menli ne dele ɛhye la, ɛzulolɛ kpole hanle bɛ na bɛbizale Pita nee ɛzoanvolɛma ne mɔ kɛ, “Ayi mɔ, duzu a ɔwɔ kɛ yɛyɛ a?”

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

2 Kɔl 7:11

Bɛnlea gyima mɔɔ Nyamenle vale bɛ rɛle ne mɔɔ bɔle la lile a: bɛ nye bolole edwɛkɛ ne anwo manle bɛhilele kɛ bɛ nwo ɛnle nu! Nea bɛ ɛya mɔɔ bɛvale, ɛzulolɛ mɔɔ bɛnyianle ye bɛ nu, bɛ nwo mɔɔ dɔ me kɛ bɛ kunlu a anrɛɛ mewɔ lɔ, bɛ nwo mɔɔ bɛyelele kɛ bɛkɛbɔ ɛbɛla kpalɛ, nee kɛ bɛzile bɛdeanle bɛdabɛ mɔɔ bɛlile ɛtane la. Adenle biala anu bɛyɛle bɛhilele kɛ bɛnli fɔlɛ fee wɔ edwɛkɛ ne anwo.

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

Kɛlata mɔɔ bɛhɛlɛle bɛhɔmanle Hibuluma la 8:12

Mebava bɛ ɛtane meahyɛ bɛ na menrɛhakye bɛ nvonleɛ ne mɔ bieko.”