Edwɛkpa ne kɛmɔ Luku hɛlɛle la 18:10 - BAEBOLO ANZƐƐ BULUKU NWUANZANWUANZA

¹⁰ Ɔse, “Menli nwiɔ bie hɔle Ɛzonlenlɛ Sua ne anu kɛ bɛkazɛlɛ; ko le Falasiinli yɛɛ ko le adwuledievolɛ.

Edwɛkpa ne kɛmɔ Luku hɛlɛle la 18:10 ပူးပေါင်းရင်းမြစ်များ

1 Arl 10:5

Akee ɔnwunle aleɛ mɔɔ bɛdi wɔ sua nu ɛkɛ nee ye mgbanyima ne mɔ tɛnlabelɛ nu, kɛ ye sonvolɛma si sonle ye, bɛ adɛladeɛ mɔɔ bɛwula, ye nzasuvolɛma nee ɛyelalɛ azu mɔɔ Sɔlɔmɔn bɔ wɔ Ɛdɛnkɛma Ɛzonlenlɛ Sua ne anu la, ɔzinle ɔ nwo na ɔ nwo bubule ye.

1 Arl 8:30

Mekɛ biala mɔɔ medame anzɛɛ wɔ menli Yizilayɛma kɛhakyi bɛ nye Ɛzonlenlɛ Sua ɛhye anwo kɛzɛlɛ wɔ la, tie yɛ modolɛ wɔ wɔ sua nu anwuma lɔ na fa yɛ ɛtane ne mɔ kyɛ yɛ.

2 Arl 20:5

kɛ ɔzia ɔhɔ Hɛzikaya mɔɔ sie Ɛdɛnkɛma menli ne la anwo ɛkɛ ɔhɔze ye kɛ, “Medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne, menwu wɔ monle mɔɔ wɔhwi la. Mebayɛ wɔ ayile na ɛnɛ anwo zo kenle nsa, ɛbahɔ Ɛzonlenlɛ Sua ne anu.

2 Arl 20:8

Belemgbunli Hɛzikaya bizale kɛ, “Duzu sɛkɛlɛneɛ yɛɛ bahile kɛ Ɛdɛnkɛma bayɛ me ayile na ɛnɛ anwo zo kenle nsa meahɔ Ɛzonlenlɛ Sua ne anu a?”

Edwɛkpa ne kɛmɔ Mateyu hɛlɛle la 10:3

Felepe nee Baatɔlomiyu; Tɔmase nee Mateyu mɔɔ le adwuledievolɛ ne; Afeɛse ara Gyemise nee Tadease;

Edwɛkpa ne kɛmɔ Luku hɛlɛle la 19:46

na ɔzele bɛ kɛ, “Bɛhɛlɛ ye wɔ Nyamenle Edwɛkɛ ne anu kɛ, Nyamenle se, ‘Bɛbavɛlɛ me Ɛzonlenlɛ Sua ne Nzɛlɛlɛ Sua!’ Na bɛmɛ, bɛhakyi ye nwule fealeka.”

Ɛzoanvolɛma Gyima ne 26:5

Bɛze, yɛɛ saa bɛdi nɔhalɛ a, anrɛɛ bɛkola bɛdi daselɛ kɛ mɔlebɛbo ne amuala ɛnee meboka ɛzonlenlɛ fane ɛsesebɛ ne mɔɔ bɛfɛlɛ ye Falasii la anwo.

Ɛzoanvolɛma Gyima ne 3:1

Kenle ko Pita nee Dwɔn kɔ Ɛzonlenlɛ Sua ne anu wɔ ewiazo dɔne nsa nzɛlɛlɛ mekɛ ne anu la,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:5

Menlile dapɛne ko ala la yɛɛ bɛyɛle me mrenyanu nzonlɛ a. Bɛwole me Yizilayɛnli, mevi Bɛngyaman abusua nu yɛɛ mele Hibulunli tɛnyetɛnye, egya nee ɔmɔ le Hibuluma, yɛɛ ɔba mɛla ne anwo edwɛkɛ a, mele Falasiinli.