Edwɛkpa ne kɛmɔ Luku hɛlɛle la 18:1 - BAEBOLO ANZƐƐ BULUKU NWUANZANWUANZA

¹ Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Edwɛkpa ne kɛmɔ Luku hɛlɛle la 18:1 ပူးပေါင်းရင်းမြစ်များ

Edwɛndolɛ Buluku ne 102:17

Ɔbadie bɛdabɛ mɔɔ bɛnlɛ awie la nzɛlɛlɛ, na ɔnrɛkpo bɛ modolɛ nzɛlɛlɛ.

Edwɛndolɛ Buluku ne 27:13

Medie medi kɛ mebanwu Ɛdɛnkɛma kpalɛyɛlɛ ne, wɔ teasema azɛlɛ ne azo.

Edwɛndolɛ Buluku ne 65:2

Wɔmɔ mɔɔ ɛtie yɛ nzɛlɛlɛ la! Wɔ ɛkɛ ne yɛɛ menli kɔsɔɔti ba wɔ bɛ ɛtane ne mɔ ati a.

Edwɛndolɛ Buluku ne 86:3

Wɔmɔ a ɛle me Nyamenle a, O Awulae, nwu me anwunvɔne, ɔluakɛ wɔmɔ yɛɛ mesu mefɛlɛ wɔ alehyenlɛ muala a.

Ayezaya Buluku ne 40:31

na bɛdabɛ mɔɔ bɛ rɛle wɔ Ɛdɛnkɛma anu la, bɛbanyia anwosesebɛ fofolɛ; bɛbanyia ndɛbalɛ mɔɔ le kɛ kɔleɛ ɛdeɛ ne. Bɛbanriandi na bɛnrɛvɛ, bɛbadia na bɛ nye zo ɛnrɛbulu.

Ayezaya Buluku ne 62:7

Yɛɛ bɛmmamaa ɔdie ye ɛnwomenle Kɔkpula kɛ ɔkɛkyekye Gyɛlusalɛm fofolɛ Na ɔkɛyɛ suakpole mɔɔ ewiade amuala kanvo ye la.

Gyɛlɛmaya Buluku ne 29:12

Akee bɛbazonle me, na bɛara ɛke bɛarayɛ nzɛlɛlɛ, na mebadie bɛ.

Dwona Buluku ne 2:7

Mɔɔ ɛnee me nye zo ɛbulu la, mengakyele, na menzɛlɛle Ɛdɛnkɛma; me nzɛlɛlɛ dwule ɛ nyunlu wɔ wɔ Ɛzonlenlɛ Sua Nwuanzanwuanza ne anu.

Edwɛkpa ne kɛmɔ Luku hɛlɛle la 11:10

Ɔluakɛ awie biala mɔɔ biza la asa ka ye, mɔɔ kpondɛ la nwu ye, yɛɛ bɛkɛdukue anlenkɛ ne bɛkɛmaa awie biala mɔɔ kɛbɔ nu la.

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

Kɔlɔ 4:2

Bɛyɛ nzɛlɛlɛ dahuu, bɛzie bɛ adwenle koonwu wɔ bɛ nzɛlɛlɛ nu, na bɛyɛ Nyamenle mo.

1 Tɛs 5:17

bɛyɛ nzɛlɛlɛ dahuu,

1 Sam 1:12

Mekɛ mɔɔ Hana gua zolɛ ɛlɛsɛlɛ Ɛdɛnkɛma la, ɛnee Yilae ɛlɛnea ɔ nloa.