Edwɛkpa ne kɛmɔ Luku hɛlɛle la 17:6 - BAEBOLO ANZƐƐ BULUKU NWUANZANWUANZA

⁶ Awulae buale bɛ kɛ, “Saa bɛlɛ diedi mɔɔ ye kpole le kɛ ‘mɛsetade’ baka ma ekyi bie bɔbɔ la a, anrɛɛ bɛkɛhola bɛkɛha bɛkɛhile baka kpole ɛhye mɔɔ bɛfɛlɛ ye ‘sekamɔ’ la kɛ, ‘Tu kɔgyinla nyevile nu lɔ’ a, ɔkɛyɛ zɔhane.”

Edwɛkpa ne kɛmɔ Luku hɛlɛle la 17:6 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 14:29

Gyisɛse zele ye kɛ, “Bɛla!” Yemɔti Pita vi ɛlɛne ne anu dwule na ɔbɔle ɔ bo kɛ ɔtia azule ne anye yeahɔ Gyisɛse anwo lɔ.

Edwɛkpa ne kɛmɔ Mateyu hɛlɛle la 17:20

Gyisɛse buale bɛ kɛ, “Ɔluakɛ bɛ diedi le ekyi la ati ɔ. Nɔhalɛ, meka meahile bɛ kɛ, saa bɛ diedi ne kpole le kɛ ‘mɛsetade’ ma kunlu ma ekyi bie bɔbɔ a, anrɛɛ bɛbahola bɛaze boka ɛhye kɛ, ‘Tudu kɔ nehane!’ na ɔkɛhɔ; eza debie biala ɛyɛlɛ ɛnrɛyɛ se ɛnrɛmaa bɛ. [

Edwɛkpa ne kɛmɔ Mateyu hɛlɛle la 21:21

Gyisɛse buale kɛ, “Bɛhakye ɛhye! Saa bɛdie bɛdi na bɛanzu kpolera a, bɛkɛhola bɛkɛyɛ mɔɔ meyɛ feege baka ɛhye la bie. Bɔbɔ bɛkɛhola bɛkɛze boka ɛhye kɛ, ‘Tudu kɔdɔ nyevile nu’, na ɔkɛyɛ zɔhane.

Edwɛkpa ne kɛmɔ Maake hɛlɛle la 4:31

Ɔle kɛ baka ma nretee bie. Mekɛ mɔɔ bɛdua la ɛnee ɔle ma muala anu nretee kpalɛ kpalɛ,

Edwɛkpa ne kɛmɔ Maake hɛlɛle la 9:23

Gyisɛse zele ye kɛ, “Saa ɛkola a? Sonla mɔɔ lɛ diedi la kola yɛ debie biala.”

Edwɛkpa ne kɛmɔ Luku hɛlɛle la 13:19

Ɔle kɛ mɛsetade baka ma nretee bie mɔɔ awie vale luale ye tola nu la; ɔfifile, ɔnyinle ɔyɛle baka, na nloma yɛle bɛ sane wɔ ye ngane ne mɔ anu.”

Edwɛkpa ne kɛmɔ Luku hɛlɛle la 17:7

“Saa bɛ nuhua bie lɛ ye sonvolɛ wɔ ye egyinli nu anzɛɛ mɔɔ ka ye mboane na saa ɔvi ɛbɔ nu ɔba a, asoo ɔkɛze ye kɛ, ‘Ka ɛ nwo bɛla badɛnla aze di debie’ ɔ?

Edwɛkpa ne kɛmɔ Luku hɛlɛle la 19:4

Yemɔti ɔnriandile ɔlumuale ɛlɔne ne anyunlu na ɔhɔvole baka bie mɔɔ bɛfɛlɛ ye “sekamɔ” la azo saa ɔkɛnwu ye a, ɔluakɛ ɛkɛ ne ala a Gyisɛse bape a.

Edwɛkpa ne kɛmɔ Luku hɛlɛle la 7:13

Mɔɔ Awulae nwunle raalɛ ne la alɔbɔlɛ hunle ye, na ɔzele ye kɛ, “Mmasu.”

Edwɛkpa ne kɛmɔ Luku hɛlɛle la 7:19

na ɔzoanle bɛ wɔ Awulae anwo ɛkɛ ne kɛ bɛhɔbiza ye kɛ, “Ɛnee wɔmɔ a ɛle ahenle ne mɔɔ ɛlɛba la, anzɛɛ yɛmaa yɛ nye ɛla awie fofolɛ ade ɔ?”

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.