Edwɛkpa ne kɛmɔ Luku hɛlɛle la 17:3 - BAEBOLO ANZƐƐ BULUKU NWUANZANWUANZA

³ Yemɔti bɛnlea mɔɔ bɛyɛ la. “Saa ɛ diema fo wɔ a, tea ye, na saa ɔnu ɔ nwo a, fa ye ɛtane kyɛ ye.

Edwɛkpa ne kɛmɔ Luku hɛlɛle la 17:3 ပူးပေါင်းရင်းမြစ်များ

Edwɛndolɛ Buluku ne 141:5

Maa sonlakpalɛ ɛbo me, ɔle anwunvɔnezelɛ; maa ɔhwi me nyunlu, ɔle nwole wɔ me ti zo, memkpo, ɔluakɛ me nzɛlɛlɛ tia amumuyɛma nyɛleɛ ne mɔ dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:12

Nea boɛ na maanle ne mɔɔ ɛlɛkɔ nu la, ɛ nee menli ne anyɛ ngyekyeleɛ biala, anrɛɛ ɛkɛzua ɛ nwo ɛhane.

Mrɛlɛbulɛ Buluku ne 17:10

Saa bɛtwi sonla mɔɔ lɛ ndelebɛbo la anyunlu a ɔyɛ ye nyane ɔtɛla koasea mɔɔ bɛkɛwulowula ye ahutuku ɛya la.

Mrɛlɛbulɛ Buluku ne 27:5

Ɛtwi sonla nyunlu wɔ wienyi nu a ɔle kpalɛ ɔtɛla ɛhulolɛ mɔɔ vea la.

Mrɛlɛbulɛ Buluku ne 9:8

Mmatwi sonla mɔɔ bu ɔ nwo bie la anyunlu, anrɛɛ ɔkɛhyi wɔ. Twi sonla mɔɔ ze nrɛlɛbɛ la anyunlu, na ɔbahulo wɔ edwɛkɛ.

Sɛlɛ 19:17

“Bɛmmafa bɛ gɔnwo anwo edwɛkɛ bɛsie bɛ kunlu; bɛ nee ye ɛha, anrɛɛ bɛkɛli ɔ nwo ɛzonle.

Edwɛkpa ne kɛmɔ Mateyu hɛlɛle la 18:21

Akee Pita hɔle Gyisɛse anwo ɛkɛ hɔbizale ye kɛ, “Awulae, fane nyɛ yɛɛ me diema fo me a menva mengyɛ ye a? Fane nsuu, anzɛɛ...?”

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:15

Zɔhane ati bɛnlea bɛ nwo boɛ wɔ bɛ ɛbɛlabɔlɛ nu. Bɛmmayɛ bɛ nwo kɛ menli mɔɔ ɛnze debie la; bɛbɔ bɛ ɛbɛla kɛ bɛle nrɛlɛbɛvolɛma.

Mɛla 4:15

“Mekɛ mɔɔ Ɛdɛnkɛma tendɛ ahile bɛ wɔ Saenae Boka la, bɛannwu debie biala wɔ senle ne anu. Zɔhane ati bɛnlea bɛ nwo boɛ

Mɛla 4:23

Bɛnlea bɛ nwo boɛ na bɛ rɛle anvi ngyekyeleɛ ne mɔɔ Ɛdɛnkɛma bɛ Nyamenle ne nee bɛ yɛle la. Bɛmmayɛ debie biala ananze, kɛmɔ Ɛdɛnkɛma bɛ Nyamenle ne ɛdua bɛ la.

Mɛla 4:9

Bɛnlea boɛ na bɛzie bɛ adwenle koonwu, amaa bɛ rɛle anvi ninyɛne mɔɔ bɛdabɛ bɛnwu ye bɛ nye zo la. Bɛmmamaa bɛ rɛle fi ye ɛlɛ wɔ mekɛ mɔɔ bɛde ngoane nu la. Bɛhilehile bɛ mra nee bɛ nlɔnra

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Gyemise Kɛlata ne 5:19

Mediema, saa bɛ nuhua bie kpɔkye fi nɔhalɛ ne anwo na ɔlɛminli, na bɛ nuhua bie kɔfa ye ba a,

2 Dw 1:8

Bɛnlea bɛ nwo boɛ na bɛamminli mɔɔ bɛvɛ nwolɛ bɛnyia ye la, amaa bɛanyia bɛ ahatualɛ ne amuala.